自然與我快樂起來

寫了一半的2016上半年總結…… ～～～～～～～～～～～～～ 今年上半年是日劇年。 年頭家父病倒，我留家工作兩星期幫忙照顧。家裡沉重氣氛籠罩，爸身子虛弱加上雙腳乏力，我和媽幾乎需全天候24小時隨傳隨到。為了在守夜更時驅走倦意，抖擻精神，遂問好友寶有沒有打氣劇目推介，未料到因此重啟煲劇生涯。

又到總結的時候： 上半年的核心的內外圍都忙於處理家事 家父的病終於有曙光，起初我們全部以為與坐骨神經痛和椎間盤突出有關，原來是與他（可能是遺傳性的）柏金遜有關。經過一位腦神經科醫生診斷，他這種雙腿發痲的病叫「不安腿綜合症」，是由柏金遜引發的。

好吧，寫寫近況吧！ 繙譯課程已讀完，試也考完，考得頗差，很多英文生字都記不起也不懂串。三個月後才會獲通知成績，出席率一直有保持，業是應該畢到的。 爸爸的病情時好時壞，每日都會有幾段時刻感到十分不適，脾氣偶然會按捺不住，想也心疼。之前去看親戚介紹的艾灸師，原來是灣仔龍頭大佬，個性豪邁古怪，艾療做了六七次，不做了。現在去看浸大中醫做針灸推拿，也開中藥，希望能幫到忙。後日去昭哥介紹的骨科醫生，多拿個意見，手術我想是不能做的了，年邁加上柏金遜，風險不低。

今年希望： 繼續做孝順女，把家人和自己照顧得好好的 父母身心康泰 去年覺得自己做得十分不錯，雖然有欠積極，但臨危不亂 今年要再下一城，寫多一兩篇小故事，睇多幾本書，要鍛鍊身體 完成翻譯課程，不求優異，只求譯得暢快，自覺有進步 鍛鍊身體方面穩陣嚟講都係要報個班，始終我缺乏自律和耐性 抽空行多點不同的山 上一些有趣的工作坊或手藝班 積極找心儀的工作 去台灣看黃韻玲的舞台劇 本來今年的大計是去德國／歐遊的，但因爸爸身子不太好，暫且擱下；而且還要預備一筆款項來支付工人姐姐的到來，所以要更慳 做少少投資，但希望不要像我的人仔般⋯ 做人上，多些禮貌，不用扮親切，而是找個合適的方法對應敬重的人打招呼 不要怕做黑臉，說出心內話，或者幫人做黑臉是不會蝕底的 繼續畀信心自己，繼續愛自己，繼續多點和自己聊天 願望都夠多了～ 努力努力

禍不單行 要嗰樣冇嗰樣 冇嗰樣整嗰樣 但大概是時候到頂了 要翻身了 家父坐骨神經痛突然惡化 五年的太地生涯 就是為了應付這一刻的亂狀 感謝身邊好友親戚幫忙 感謝有個好捱得而亦會令我們激心的媽媽 感謝有個好堅毅而又硬頸的爸爸 感謝有個雖然時時HANG機但硬淨咗既自己 像琳說，此乃長期抗爭，要保持平衡，顧住家父也得顧住自己 請為我們祈禱

注 定 流 水 帳 好耐冇更新，大家都好嗎？ 九至十二月發生咗咩事呢？ 最勁梗係完成山藝二級啦！ 年頭完成閒HEA一級入門班，估唔到二級難咁多，不但要學進階圖針、繩結，仲有三次實習，包括兩次露營，要full gear玩（孭成廿LIT），夜行蚺蛇尖，第二日仲要行澗兼玩爬懸崖（好安全既），實在太刺激。 整個過程多得隊友同教練助教幫助、提點，亦好多謝自己冇放棄。其實只要唔lur地唔行，就一定完成到！最實用係行咗好多浮沙碎石斜，成支竹既雙腳儘管仲係震到冇朋友，落斜係熟手咗少少既。另外係玩完兩次重裝露營，身體都仲吃得消，翌日成功(!)返工，覺得自己身心都更硬淨！呢次投資都唔少，好彩向好友借到營具帳篷，甚至行山鞋，最後點都因為需要而買咗cheap cheap行山大背包、幾件快乾衫、好貴既行山杖、襪、煲具等等大大小小裝備，大概等於去台北三日兩夜啦！ 三級係冇可能架啦，佢地都唔會收我，我亦冇諗住考，二級剛好。不過，會努力行多啲，同時鍛鍊下身體，或者出年會考慮報健體班，有個班箍住係會認真啲既。 十一月仲玩咗其他嘢，好似上咗兩堂香港歷史學會搞既中國古地圖及社區地圖堂，內容超豐富，老師超勁，同學亦超投入！例如講點睇中國古地圖，又點樣製作一張社區地圖。遲下睇吓有冇機會再分享！ 除此以外，九月開始咗在HKU SPACE學繙譯，係一個半年既Post Grad Cert課程。嘩，初初係有啲唔知點，好耐冇返學，有啲唔慣，要準時收工（一向準時）、預晚飯、做功課，有少少踢腳。讀咗兩個多月，老師改簿鬆手，功課成績尚可，最重要係學到幾多呢到底，係好多喎又真係！英譯中還好，可用老本，英文唔夠好，基礎唔實，中譯英係個大挑戰！同埋到底意譯到邊個程度，譯筆張弛要點拿捏，文章用係邊亦會影響風格，都有更多認識。呢班既同學仔大多係寫得之人，可惜堂上交流唔算深刻，大家志在輕輕鬆鬆又一堂。另外最大收穫係上到一啲好有教學熱誠既老師既堂，有少少估唔到，原來SPACE的老師咁有心！上堂又超多準備，又好笑又認真，好尊敬佢地！ OK，讀書報告同寫作方面停滯咗，要加把勁！ 只不過，工作上竟然變成主要寫英文或中譯英！好多機會畀我練習！除咗籃球遊戲活動寫作，上兩個星期又加入賽馬遊戲活動中譯英，真係發夢都估唔到要上賽馬會網頁去學點睇啲評述同排位！刺激到呢！馬經編輯同事雖然會解釋我聽，但譯個下始終係盲中中...

好多好多年前，寫給師兄的一封電郵入面，列出了我截至大學時代上台唱過的歌： 新不了情 心痛 擔心 領悟 走過 哭 I Swear 零時十分 囚鳥 人生可有知己 春風 追憶 償還 薔薇 至少還有你 出社會後還唱過兩首啊！ Amazing Grace （珊的婚禮，謝謝妳，珊） Lover's Concerto (佩詩的婚禮，驚喜節目） 到底小時候哪來的勇氣讓我上台去唱歌，去比賽呢？