自然與我快樂起來

最近就是這個了

今晚自己食飯, 去咗吉野家, 好好咁, 一個人食吓飯, 自己面對吓自己 ．．． 呢排重睇跳躍大搜查線, 又dl埋佢既第二、三集 仲好記得當年睇第一集時候讚嘆日本電影既細密同分鏡 ．．． 另外又重睇「被偷聽的人」 前排又dl 「皇上冇話兒」 係, 我特別中意睇埋d主角好似有缺憾, 但又好似好勇敢,  總有困難要去面對 既電影 自己要面對既陰影同深層恐懼又係咩呢 ．．． 工作上既不快同挫敗 不值一提 我會記住自己今年曾經好開心, 好享受咁去做過九龍皇帝展覽 就夠 邊樹有份工真係滿足一百分 ．．． 下星期將會睇Swing告別演唱會 我發覺我中意親既組合同人都會遇上不同程度的分離 Swing at17 黃韻玲 所謂天下大勢, 分久必合, 合久必分 隨心啦 ．．． 自覺越黎越能夠盡快叫自己離開傷心既心情 就算係陰雲未必能快快驅散 但已經唔再沉醉同留戀係悲傷既氛圍 回彈力唔錯 家陣只係差再彈自己上去d既力 推動自己做一d覺得應該做 講一d 應該講既嘢 唔好怕錯 唔好怕扣分 唔好怕冇工做 唔好怕被人誤會 唔好怕人地一次睇低你 自己畀自己定位, 評價, 信心 忽冷忽熱, 賞罰不分的小學老師已經離你而遠去 不用再害怕 ．．．． 仲有冇時間去重新愛上或發展一種專長? 一直都搵唔到我真正的聲音 真正的聲音, 好難聽 ．．． 又話中文會credit返係我譯既? mkt/PR, 真係信唔過 我們會有童話式的大團圓結局嗎？ 很久以前，有一位名叫姬亞的女皇。富裕的她擁有成千上萬的魔法果樹，長出纍纍果實。她每天都將飽滿多汁的果實，一人一個分送給子民，讓他們溫飽滿足。 全文     http://www.climateers.org/chi/contents/extra_inner.php?id=66

好似一篇高中學生/ 初入大學的人物訪問, 十分生手...但重點係, 睇吓呢位主角的故事, 都幾好 做好一件事  無心的人只把事情做完，有心的人把事情做好。  阿毛賴恩慈，熱心參與菜園村反高鐵的運動，深深希望能為菜園村「做一件事」，她拍攝了獨立電影《1+1》，不但贏得多個獎項，更罕有地獲電影院支持放映，舉辦多場分享會，甚至向學校推展。電影令更多人了解和關注菜園村，平淡樸實的風格亦有別於廣大傳媒所建構的菜園村形象。她做的已不只是一件事，而是把一件事做好了 …… 全文   http://www.ln.edu.hk/mcsln/interview_01.shtml

我中意自己, 因為我做人好唔識變通! i love myself, because i am die Q rigid! yea

WR ROOA AARRRR

一早知道, 確實event經驗好唔夠, 近年亦因為主要跟PR, 生疏咗好多 今次event出晒事, 好多coordination都冇做好, 今日仲有好多地方要細老細幫我執手尾 面對大家既要求同提醒, 我語氣亦開始唔好... 係最出事既時候 打咗救求電話 亦都忍唔住喊咗出黎 好耐冇試過咁樣工作期間爆喊 都三十二歲了 都仲係重覆緊十年前既問題 其實我真係冇咩sense 寧願自己做都唔想搵人幫 唔識求人, 更唔識指揮 好多嘢我都諗唔到, 諗唔切 呢排眼淚唔停咁流 唔想又要見鮑姑娘 我其實好正常 我只係唔太做到大家要求 亦有時候強迫咗自己少少 我想, 好多人都係咁 今日真係好傷心 我既敏感神經又大肆開啟, take 晒大家每字每句 雖然叻仔咗冇即場爆發 只是 家陣 (雖然已經有好多同事老細同helper既support) 覺得好孤獨 做不到別人期望 令人失望 真係好傷心 暫時不要叫我正面去想 不用叫我放鬆d 畀我喊晒出黎 死撐埋到下星期六 之後負荊請罪 唔可以成日都係咁