自然與我快樂起來

希臨bb啊~ 好掛住你啊!

有像嗎?

BB來到香港家很快便第三週, 近來哭的次數多了, 也不一定是肚餓要喝奶或是要人抱。每每在睡覺中途突然醒來, 就哭慘了, 抽搐的小身軀, 漲紅的兩頰, 一把鼻涕兩把淚, BB, 你為什麼哭呢? 是發噩夢嗎? 是掛念爸爸媽媽嗎? 抱歉呢, BB, 我們這紛亂世界, 令你在小小的年紀便要越洋過海離開父母身邊, 縱然只是短短幾月至半年, 可曾害怕過自己被遺棄嗎? BB, 我們都疼你, 都惜你, 在你父母為更好的生活打拼而無可奈何要送你過來的這段時間, 肴望你能放心的, 慢慢的, 快樂地長大。 希望你不會再午夜哭醒了。

過去星期，有以下籠統的感受： 1.　要快點真切地做些有益世界的事, 為下一代努力 2. 親眼看到爸媽照顧bb如何無微不至, 為自己感到幸運感恩

關於 錢 玩pet society令我對錢有另一個觀感, 就係, 錢, 搵返黎係確實可以洗既 熟我既朋友都知道我一向好慳 (慳d啦你呢句於我黎講係唔成立既), 對自己尤甚 我冇咩想買, 冇咩想要, 除咗偶爾食咗餐貴既牙痛咁聲之外, 都冇咩大洗費 每個月最大洗費係家用, 大約佔我四成三人工 其餘既, 我只係用少部分, 皆因我有時帶飯返工, 公司又近, 車費食飯都慳好多 對於買野, 唔係冇興趣, 只係買咗返黎, 好多時都一闊三大, 好似買咗部相機又要鏡頭又要腳架咁, 仲要買d保護野, 痴咗線 我又唔中意扮靚, 唔(駛/ 識)化妝, 唔駛減肥, 做人同儀態均不修篇幅, 是單[!!]乾淨就算 又冇咩興趣, 宅女唔成, 活躍動感更之唔係 基本上, 同現今消費社會潮流生活脫離 但我又唔太多錢, 從來唔投資, 計數零感, 爭係識儲咗d錢, 即係畀人話蝕息都唔明白你講咩既個種人 曾經, 我為自己唔亂買野而驕傲, 控制到自己既洗錢方式而覺得自豪 久而久之, 我連帶一d值得去用錢去買/ 投資既野都放棄, 例如進修, 買書 近來玩pet society 佢畀咗個啟示係, 搵錢, 確實係為咗搵黎洗既 吹脹之餘 係呢個虛「疑」世界入面畀我花d 無傷大雅既金錢, 但都照舊慳得就慳 你睇visa間屋, 都係好吉架, 如實反映本人既理財之道 - 節儉為美德 去到luxuary 都買唔落手, 皆因我真係冇咩物慾 有點嗚呼哀哉 呢個唔肯洗錢既習慣 最近得到解放 我發現, 用少少錢買野畀屋企人係個出路 例如近月買咗八百幾蚊衫畀爸爸, 請屋企人食晚飯 洗係呢d方面, 真係叫我洗得痛快 前日同爸爸行街 [簡直係創舉] , 爸話一對過氣addie Lakers波鞋大減價折成兩舊幾水, 先至話抵 [如芸姐所言]我真甚具乃父之風 有次爸話, 怪你唔好彩, 唔生係d 有錢朋友家裡 佢覺得個女因為唔想洗錢, 又畀咗好多家用 (同穿著有點 lei feai) 時拋出咗呢句 爸 都話要做你十世女, 寵爆 家陣搵錢 / 工作既目標, 重心仍然係屋企 至於自己 大概都仲係處於混沌狀態

下回出場! 今日一家人出動 假借阿媽琴日生日之名 要求阿爸加入 「大家一齊出外走走」活動 happy pa ma 熱屎辣辣千里迢迢去咗南蓮池園 一處唔錯既地方 好有靜心既作用 係家庭樂既好去處 但揀四五點去會好d 真係太熱

我好開心。 前個星期，我帶媽媽去沙田參觀文化博物館，雖然那天有特展開幕禮（ 古代奧運珍藏展 ），封了某層的展館做儀式，未正式向公眾開放，但瀏覽了新界館、粵劇館、徐展堂中國文物館和粵語流行曲展。 媽媽對各個展覽的興趣程度讓我意想不到，例如到粵語流行曲，她最感興趣的是那些華麗歌衫。到徐展堂中國文物館，她則不厭其多，差不多把所有展品都看一遍，而我看了大半部分便已有回吐的意思。我超喜歡的新界館內有一個彈棉被店舖的造景，她一看到就馬上認出那些工具（我媽不是做彈棉被的，只是她那輩人都會知道有這種服務）。看那些客家人服飾時，她也驚嘆往時的人怎麼生得這麼高大。 整趟旅程，她表現沉靜卻不失興致，仔細觀察展品，用心閱讀介紹，而這位生性獨立有性格的媽媽也是自有一套的巡視路線和速度。更讓我開懷的是媽媽在飽覽各展館後不覺太累，那麼便放心可以實行一個月一次帶她閒遊本地博物館為主的「媽媽多出街走走」計劃。 那爸爸呢？ 下回再說。