真正認識我既人, 應該知我會講粗口, 但個重點係, 我有時諗, 真係好想對住d 傷害過我既人, 一輪咀咁馬叉佢, 但都好似便宜咗佢, 因為佢地傷害太深, 簡直係夢魘! 不過你又會話啦, 咁你堅強d 咪冇咁傷囉....我頂! 話時話, 多得祖, 我早咗認識草泥馬呢樣嘢, 但只覺得呢個粗口涉及人地老母, 唔係幾好, 依照本人唔中意先避開既習慣, 所以冇咩點follow呢件事了。可惜既係, 羊駝本來真係幾趣緻, 抗衡者「咁識揀」, 希望以後d 細路唔好信以為真。 ．．． 係囉, 都冇咩update, 躁底。 ．．． 但願有方法舒緩我既怨恨。
Posts
Showing posts from April, 2009
負能俠 點樣介紹負能俠出場先好呢? 或者應該介紹咗負能人先。 負能人自細負能, 即係個d 硬係要分人有正能負能之分而你話佢負能而佢反對無效而你仲話佢唔好咁負能有日會變返正能既個種人。咁所以就係大量正能或負能或假正能假負能人(簡稱假人)包圍中長大。 其實都冇咩咁特別, 但唔知點解有唔少正能或負能或假人都會盡量避開佢地, 都唔算嫌棄既, 但總之因為負能人個能樣, sorry, 係負能樣, 所以大部分開心聚會 (聚會梗係要開心啦係嘛) 係冇負能人份既。 你地既生活入面, 都總會有個負能人, 而每個負能人其實都有個秘密, 就係大家都會受到負能俠既眷顧, 做個真正負能人。 關於負能俠既事, 等我再講多d。 同場加映 # 負能時間 # 負能者, 能量負也, 負負不得正也, 皆因人也。
呢排睇唔慣 最近係落街食野, 見到唔少十分年輕既影友, 個個一部單鏡反, 或者細機, 係西灣河呢個半新唔舊既社區流連, 影吓呢度個度 可惜既係, 佢地有唔少人係影捕捉d macro野, 例如顎高頭影個橋底 我睇到真係有d想烹佢地走, 唔知點解真係好反感, 係種好直接既反應 話說最初接觸攝影, 唔計屋企個部手動菲林機同之後既沙瓜機, 係大學既時候 讀書奸係, 我買咗部pentax, 中價機, 點知買咗先知佢唔得裝其他鏡頭, 個圈唔就, 借唔到同學d長鏡 可能係因為係系入面功課都係影d d 咁朵(懶係)有時事性既人物, 環境或場面, 所以好有一種紀錄既objective [又講舊時, 大家可以幫我搵定老人院]當時曾經因為影大磡村, 去咗個過三四次, 時值夏天, 熱到嘔, 隻身膽粗粗鼠入對面工廠大廈天台去影1/3全景相[冇鏡影唔到wide angle係遺憾] 影出黎既相得到讚賞, 令我雄心壯志 [曾經都有架] 覺得攝影確實係可以反映一d唔知咩, 紀錄d 唔知咩, 切合photo journalism既宗旨 補充一點, 批相想講既之不過係一種紀錄, 當中訪問咗幾位居民 其實用文字都可以講到故事, 但呢次就用咗相作為媒介 跟住, 我既攝影技巧因為我冇心機聽d複雜技術 / 光學 / 操作等而像我其他興趣一樣荒廢生菇 之後到郊外影野, 影黎影去都冇咩合乎心水作品 影個天, 影個雲 究竟我想紀錄d咩 定係影咗十萬張天, 雲相拼埋一齊做個創舉 總之, 就係感覺行先, 影咗先, 冇死 或者, 又覺得冇咩時刻值得去影低紀錄 之前去牛下, 就如joe講, 好似個相機展咁 嘩, d靚妹靚仔個個一人一部勁野 係度爆影 我嗤之以鼻, 覺得負擔重, 唔係咁有心機行落去 影友既勢力, 係可以完全操控個場點搞, 件事點玩 咩都要有photo opp photo opp包括你唔熟同唔屬於你既野, 貓貓狗狗, 靚女, 假場景 (唔理核唔核突!) 事實係, 你唔需要製作d咩黎去吸引佢影 只需要provide個光猛少少既地方畀佢地影就得 因為影相, 家陣變成一種建立自我存在證明既手段 [唔好嚐試叫我elaborate] [或者係犯罪既兇器?呢樣野今日唔講] 以前相機鬼咁貴, 係細圍人玩意 家陣相機/攝影科技普及, 都仲係細圍人玩意 - 只不過係越黎越加強自我 我覺得呢一種攝影, 其實只係著衫一樣, 係一種打扮...
關於 錢 玩pet society令我對錢有另一個觀感, 就係, 錢, 搵返黎係確實可以洗既 熟我既朋友都知道我一向好慳 (慳d啦你呢句於我黎講係唔成立既), 對自己尤甚 我冇咩想買, 冇咩想要, 除咗偶爾食咗餐貴既牙痛咁聲之外, 都冇咩大洗費 每個月最大洗費係家用, 大約佔我四成三人工 其餘既, 我只係用少部分, 皆因我有時帶飯返工, 公司又近, 車費食飯都慳好多 對於買野, 唔係冇興趣, 只係買咗返黎, 好多時都一闊三大, 好似買咗部相機又要鏡頭又要腳架咁, 仲要買d保護野, 痴咗線 我又唔中意扮靚, 唔(駛/ 識)化妝, 唔駛減肥, 做人同儀態均不修篇幅, 是單[!!]乾淨就算 又冇咩興趣, 宅女唔成, 活躍動感更之唔係 基本上, 同現今消費社會潮流生活脫離 但我又唔太多錢, 從來唔投資, 計數零感, 爭係識儲咗d錢, 即係畀人話蝕息都唔明白你講咩既個種人 曾經, 我為自己唔亂買野而驕傲, 控制到自己既洗錢方式而覺得自豪 久而久之, 我連帶一d值得去用錢去買/ 投資既野都放棄, 例如進修, 買書 近來玩pet society 佢畀咗個啟示係, 搵錢, 確實係為咗搵黎洗既 吹脹之餘 係呢個虛「疑」世界入面畀我花d 無傷大雅既金錢, 但都照舊慳得就慳 你睇visa間屋, 都係好吉架, 如實反映本人既理財之道 - 節儉為美德 去到luxuary 都買唔落手, 皆因我真係冇咩物慾 有點嗚呼哀哉 呢個唔肯洗錢既習慣 最近得到解放 我發現, 用少少錢買野畀屋企人係個出路 例如近月買咗八百幾蚊衫畀爸爸, 請屋企人食晚飯 洗係呢d方面, 真係叫我洗得痛快 前日同爸爸行街 [簡直係創舉] , 爸話一對過氣addie Lakers波鞋大減價折成兩舊幾水, 先至話抵 [如芸姐所言]我真甚具乃父之風 有次爸話, 怪你唔好彩, 唔生係d 有錢朋友家裡 佢覺得個女因為唔想洗錢, 又畀咗好多家用 (同穿著有點 lei feai) 時拋出咗呢句 爸 都話要做你十世女, 寵爆 家陣搵錢 / 工作既目標, 重心仍然係屋企 至於自己 大概都仲係處於混沌狀態