今日很開心 先是搞掂第一炮執房, 雖然捨棄了存了多年的黃巴士, 但總好過雜物過多, 住到發火 跟住繼續一人快樂週末, 兩點幾先出街, 去咗鼎太豐食午飯, 叫咗榨菜肉絲湯麵同春卷, 一個人食住93.5, 簡直係轉性 再慢慢踱步往灣仔救世軍, 擺低雜物一袋 再去三聯, 竟然係英文書區睇住成粒鐘書 - 皆因睇既都係圖片集同繪本, 哈! 係講香港既歷史相集, 同埋外國人畫香港小區風景。個本繪本好靚, 又有好抵死的caption, 真係太好 再之後就幸運地meet到芸姐, 處咗一陣 冇幾耐收到寶寶電話, 佢越黎越有自信, 愛自己, 愛人地, 好欣賞佢 聽到佢因為荃灣朋友而架架聲笑出黎, 被佢既快樂笑聲感染呢 好好彩, 又可以坐船, 呢幾星期閒逛都剛好可以以船過海, 慳返唔少至餘, 海景慢慢真爽 又有一杯免費蜂蜜綠茶, 多謝芸姐 再之後順利見琳, 再去食平平韓國嘢hungry korean, 真係幾好味喎 再一路傾一路行, 交換睇法, 好開心咁講咗好多想法同生活小發現 (主要圍繞綜藝及外地劇集) 好開心!!
Posts
近年做咗咩之行山篇 自今年初種菜後, 行山機會少至有少。 今年完結前 任性地 拋菜棄瓜, 怎也要去行一兩轉: 三峽連走會金督, 外加港島徑第五段後半段值3粒星 [14k! - 推介] 康文署網頁寫: 由灣仔峽起步，行畢整條金馬麟山道，再接蹺徑往中峽道而至中峽，再沿布力徑東行至黃泥涌峽，後取「金督馳馬徑」經「金督園」抵畢拉山道終點。 在金馬麟山道加中峽道, 我們看到嘩聲四起, 不是美景, 而是靚樓, 是超級大豪宅!! 後來的布力徑至黃泥涌峽, 路寬林蔭, 偶遇大個太陽, 涼風送爽, 海馬公園盡入眼簾, 至黃泥涌都是十個讚的行程。 過黃泥涌水塘, 上斜路, 上山坡, 久未練習, 但大致尚好, 我最愛上斜, 卻唔懂落斜。遙見石礦場, 遠處就是婆羅包(香港天文台望遠鏡處), 罵聲連連, 冇可能, 冇可能! 明明石礦場就閃, 為何要去到大風坳, 當中還要經過那痴了線的狂上坡! 我們到底錯過了哪個指示牌呢?! 但我反正認了! 我愛上斜! 最後安全下降港島區天梯, 那區區的30分鐘落山車路, 算什麼! 為不逗留工作區, 最後跳上巴士直奔大坑去吃叉滑旦飯去! 龍門郊遊徑 [hea行推介] 今年頭一天便跟寶和琳去了這條徑, 卻不幸同樣錯過了指示牌, 結果行了難行兼勁斜山徑, 橙不忍睹。 早前假期重遊舊地, 喜見之前的山火痕跡有了生機, 賤生的草準沒有偷懶, 強力進駐。焦炭般的枯樹, 讓其他植物寄居, 已另一姿態重生。 今次找到了那次錯過的指示牌, 走回正途, 可愛的城門水塘等待我們回來。 外傳 - 台灣台中大坑九號步道 根本沒行到, 從下車處行45分鐘上斜到步道入口, 行了幾級, 因體力不支要回頭 YEA!
今日有猛太陽 去咗游水! 但d 水實情係凍到爆! 游咗半小時就收皮 仲諗得到要帶張大大的毛巾一上水包住自己 破晒紀錄之餘咁難得清醒, 要頒獎畀自己! 個房(屋)仍然有太多東西 希望繼續努力house keeping!!!! 老老實實 我係咪都該諗吓係咪要抽居屋 好想掉咗部打印機同fax機, 換部三合一既! 吉出黎既枱面, 我咩都唔想放 放舊石, 一池水, zen zen地最好 到底人生仲有咩目標同理想? ．．． 試諗吓 若果放假時候仲要做公司嘢 唔甘心就唔好做 唔做就唔好驚做唔晒 邊有咁容易平衡到個心理 ok 可以話係搶奪私人時間 又或者根本係善用時間, 等自己喺周休二日冇咩想做既時候 做咗d 平時返工要做既 等自己平時返工唔駛咁緊張 又搞到自己好似好勤力咁 係咪一個心理出路? 我真係無敵 咁都畀我諗到點KO自己 張大玉 你都係多d 游水吧啦咁 ．．． 終於買咗個揼揼鬆 希望可以減輕爸爸腰腳患的負擔 有舊嘢幫自己揼揼下 好過見佢不斷用手揼, 累 爸爸呢排好叻 可以自己坐巴士去尖東出席飲宴 行咗唔少路 唔駛中途停低休息 返到黎亦唔會好痛 希望佢加油 ．．． 工作上就繼續放輕鬆好了 冇人要你有突出表現 唔駛咁擔心 做自己做好平時水平就已經夠 唔好落註腳 唔好估估吓 自己游多ｄ水 舒解吓壓力 ．．． 好多謝芸姐 一向係我知識泉源 買咗兩本張大春的書畀我 加上睇緊既「送孩子的字」 竟然突然間入咗三本 好似睇緊說文解字現代版 深得黎好親切 另外佢又送我舊的TIMES同Newsweek 學英文同生字!!! 同埋去研究返國際同本地寫feature有咩唔同寫法同角度 睇呢類國際雜誌 令我諗起蔡康永 佢既說話功力其實點止咁簡單 起初覺得佢個本「說話之道」好膚淺 打正名號不教術 卻篇篇是技巧竅門 要做到像他那樣不著痕跡 可就是要把人真心對待 罩門與自豪, 通通記牢 才能好好溝通 到底兩者有什...
去了位於火炭的 稻香飲食文化博物館 , 領教導賞姨姨親和力、帶團功力100的厲害, 四兩撥千斤式的回應尤為出色!! 除了親切姨姨之外，還有估你唔到汪阿姐出場，以及各國各地的廚具器皿爐具食材等，其中去年光榮結業之灣仔龍門大酒樓也贈予博物館一些珍貴文物，也許稻香在行內也算值得信賴才會有同業交托饋贈如此寶物。推薦大家去參觀! (為你預備好路線, 參觀之後可往一）彭福公園欣賞大狗小狗, 二）坐火車往沙田宜家食肉丸！） ．．．． 媽在澳洲，爸爸榮登家裡家裡煮事人。可惜爸爸和我對於媽媽遠行前佈下的食材東一點西一點亂放大迷陣，久久想不出個應對方法，常常花去不少時間翻箱倒籠尋寶。 有天，爸爸在找那些水沖飲品，大叫道： 「妹，家裡那些竹庶毛巾精放在哪兒啊？」 「毛巾啊，家裡確有很多，就放在那衣櫃頂啊！」 大笑。 「不是啦，是毛巾精啦！」 爸自己也笑到繼續咬字不清。 我唯有一次回應兩個問題：「毛巾精，這個，真的有點難搞呢！」 ．．．．
過了立夏, 要透暑, 暫時結束行山活動, 除非溯溪。 總結一下半年內所行地方, 排名不分先後: 甲龍林徑/古道 - 這條徑由荃灣地鐵站開始, 坐巴士上大帽山途中下車, 我們走了好一段才知道走錯入口, 繞了好久。記得走過山之陰, 濕氣頗重, 但在日上三竿之時, 頂個大太陽, 冷血動物也要來曬曬。是次是本人行山頭一趟見蛇, 雖然只見蛇尾(好像是青色或鮮色的), 然而聽到牠滑過地上乾燥樹葉時的沙沙聲, 不免令我們緊張。甲龍林徑亦是越野單車徑, 沿途要小心裝甲齊備的單車手, 看他們下降陡峭的小窄石路, 讚嘆之餘也不免替他們捏一把冷汗。終點, 登登, 是 農場鮮奶 ! 誠意好味滿分之選有餐蛋麵, 不能錯過則有即整薑汁撞奶! 飽餐一頓又可以在農場內隔著圍欄和黑草羊玩一玩, 讚! 川龍家樂徑 - 這是一條只需走十五分鐘的hea徑, 主打其實是延續每年到訪川龍 沏茶吃點心 快樂遊。去年我做了逃兵, 今年人腳齊整(亦即只有三支柱, 另加雞恩), 在那十五分鐘的小山頭, 玩樂了良久, 笑逐顏開。 紫羅蘭山徑 - 我本來想去的並非這一條山徑, 而是好多年前和大學同學Tabby一起走到其中一個山坡位大風吹到要蹲下蛇行的那一條。無論如何, 還是一條易走的自然徑。起點在黃泥涌水塘, 記得那天大霧濃罩, 一兩隻天鵝踏輪艇, 在湖中緩緩行駛, 對岸的山隱隱約約, 竟有點像桂林。這裡人跡罕至, 除了起初勁沿引水道旁行走的一段, 接過山路便豁然開朗(也開揚, 小心曬燶), 上落波幅不多, 沿途更可看到淺水灣那些達官貴人住的頂級樓房, 簡直氣從心上來。 圓墩郊遊徑 - 又是新界西, 這次荃灣駁小巴到青龍頭, 下車後不斷上斜, 跟著圍著大欖涌水塘繞來繞去, 欣賞這個俗稱小千島湖的景緻百次後便差不多到吉慶橋。新界西的山頭有較多灌木林, 高聳入雲的大樹, 令人心境獲得平靜。終點在大棠, 一段石屎路下斜頗傷膝蓋, 宜慢走。 釣魚翁郊遊徑 (半程) - 回味 落狗屎天行山。 龍門郊遊徑 - 是到川龍飲完茶想走一走, 或倒過來由城門水塘走過去以川龍作終點吃個飽的輕鬆步道。但要在川龍接郊遊徑入口要找路, 當中也有盡忠職守的家犬(對你吠個夠)和流浪犬。當中會經過幾道小木橋, 風景不算十分吸引, 但一路上沿山腰走頗悠閒, 也可以消化剛才的點心籠籠 (對, 走畢又餓, 要再食), 最後接水塘的大路。剛好當天是毅行者...
經過幾日m期抑鬱, 我又復活啦! ．．． 今日剪咗個死人頭，再去後山跑步，鬆動估計都有800米架，腳仔頸仔都鬆弛咗，再去行吓康怡太白城睇吓有冇西裝褸，買咗fokmocs DVD同food inc VCD，入商務揭吓最新書刊，食咗吉吉家下午茶，緩慢步行回家，十二個爽！ ．．． 下個禮拜搬上六十四定六十五樓啦，頂！好撚驚呀，頂！醒定呀！ ．．． 喺中環或金鐘返工嘅朋友，香港公園嘅內 茶具文物館 ，係hea嘅好地方。當年係天橋底返工咁耐都冇去過，真係蝕晒，唔駛錢架！勁力推介係樓上嘅展覽廳，其中一條片係製作紫砂茶壺的三種常見方法的示範，睇完條片你會覺得好平靜，好滿足，因為片中嘅姨姨，用佢對肉手，好耐心好細心咁整好三個工序繁複嘅茶壺，實在欽佩不已，加上剪接好，影片顏色contrast剛好，令人覺得條片好似睇緊以前好中意睇嘅日本風情畫。片雖然長，但竟然會令我有滿足嘅感覺。 當然呢類舊樓翻新循環再用都不免要睇吓呢座建築物原來嘅歷史，有時展版上面一大堆字，會睇到人傻。文物館本身係Flagstaff House，要了解佢嘅歷史，不妨去嗰間兒童遊戲室，當中有一本巨型圖書，介紹咗呢座建築物嘅歷史同歷年宿主，好易明，又大大本好易睇，有小朋友嘅又可以畀佢喺度玩吓，都幾爽架！ 另外要讚嘅係佢嘅雙魚咩咩紀念品店，可謂係全康文署轄下博物館中紀念品店中賣嘅嘢最relevant又多嘢睇嘅一間！讚！（你又估吓最差之紀念品店係邊間 － 係太空館！簡直睇到要燒著） 大家有機會都去行吓啦！
明天一早又要上班。 這個短短五天的公眾假期, 經常大霧, 能見度指數係高, 強度屬於9, 人都快要瘋了。 堅持假期例行親親大自然的公事, 在頭一天便冒雨行難度一般的釣魚翁郊遊徑, 只是郊遊徑, 而不是主峰。尤記得某年和朋友一同前往, 越過那「此路不通」牌便慢慢上頂, 從來上山容易落山仆, 雖然下山路程較短, 但亦較險, 我被浮沙碎石嚇到腳軟, 要同行友伴回頭逐步「教路」, 頗算刻骨銘心, 由是不敢再輕「挑」, 更何況是當日這樣的屎灰天。 郊遊徑易走, 需時大概三小時, 先到將軍澳醫肚, 後遇到健談的小巴司機。 走上山坡, 掙大鼻孔, 深深吸入濕濕酸酸的草味。景色灰濛一片,又開始下兩, 對這種shxt天, 我心內, 讚賞不已。 與樂活堆填區並行,差不多走了一半, 含雨量飽和而滴水的頭髮告誡著, 係走就快啦。飲恨沒帶舊公司無敵防水褸, 加上同行雞恩一病可大可少, 於是在中途閃人。 就在那20分鐘滿是濕滑石頭的下山路上, 暗暗許下要買新行山鞋的願望。 這樣就完成了1.5小時的親親大自然之旅。 ．．． 工作上, 最煩人的固然是人事。我是個很懶惰, 又很少聽得懂別人心個句, 作風偏向保守, 沉默, 懶得出聲, 幫理又幫親, 更欠圓滑辭令, 在處理人事問題就總力不從心。 有兩個具體例子: 一. 約團: 我總是不懂要triple confirm導遊才開團, 加上反應慢, 導遊一有事我就死機。 二. rounds of back & forth: 老細不喜歡書刊版面, 我便叫設計師改, 設計師不同意, 叫我跟老細談談, 如是者反覆十次。宅秤寶寶如我就是左手係肉, 手背又係肉, 口中唸唸有詞「那你們不如先傾掂數再找我」的怨念, 亦不免當下即hang。 我很怕這些情況, 雖然已經開始懂得由根源問題著手, 盡量減少這事麻煩事, 也不再怪責自己不夠專業、技巧, 但偶然也會不得要領, 讓我午飯難安。 我相信, 這兩個例子比起大老板要處理暗湧處處、陰溝翻船、笑裡藏刀等更高層次的實屬小巫見大巫, 可是對我來說, 我就是連這些事都能把我煩到, 所以, 有點煩/憂。 ．．． 我希望能夠再清減一點, 不是體重, 而是雜物。把舊物丟掉原來都沒這樣不捨得, 有超過兩年不曾動或用的東西, 擁不擁有確實再無所謂。 只希望我的物欲可以再節制一點, 把賺得不多的金錢用到最值得的地方 (雖然已經十分超級慳)...
北上深圳往無甚港人去的OCT和何香凝美術館。過羅湖海關後, 坐深圳地鐵到華僑城站(C出口)下車, 走大概五分鐘就到了 何香凝美術館 。 何香凝美術館外觀 倚窗放蚊的迷彩少年軍 美術館的戶外雕塑 - 行人 舉行中的展覽 當日參觀了蘇新平的「舉杯」。一系列描繪人物舉杯慶祝的畫, 人物、動作、表情、用色重覆不斷, 少有變化, 重覆單一卻成為諷刺追逐繁榮背後的愚昧無知的有力落筆。另外一系列, 是城鄉環境中的迷迷濛濛, 煙囪處處, 厚厚濃霧, 人面陰霾。 另一個展覽正是展出美術館命名者 - 何香凝女士的水墨畫作, 按該館網頁: 何香凝女士是孫中山先生的親密戰友，是廖仲愷先生的革命伴侶。她不僅是一位傑出的革命家和政治活動家，而且是一位在海內外享有盛譽的著名畫家。 她畫虎、獅、山水、竹梅, 由於她曾學師於日本, 故有些流水的風格富東洋味。最記得的是她在畫上題的字「…潤色江山一枝筆，無聊來寫此時情」。 來的時候沒什麼人, 閒逛一會兒, 有一班小學生進來參觀, 與香港小朋友的無異, 他們在館內到處抄抄寫寫, 喧鬧跑跳, 與身穿迷彩服、負責館內秩序的少年軍上演老鼠避貓, 為平淡樸實的美術館帶來一點活潑生氣。 美術館的內部裝修簡樸, 內裡空間運用精妙, 不給樓層所限, 柳暗花明, 穿過小房間又是另一個境地, 只嫌牆身出現極少許的油漆剝落。茶水間依舊封塵, 與靜止於窗上的蒼蠅相映成趣。可惜當日陰天, 否則館外小花園和館內的天井一定更顯靈氣。 現在大多數的博物館或美術館外觀, 開始千篇一律, 大都以水泥、玻璃/木為主, 入口設有橋道以及流水或水池, 增加寧謐感覺, 也對, 在進入這種「文化」設施前, 也許都要好好準備, (預先)洗滌心靈。 ．．． 告別美術館後便到 OCT當代藝術中心 , 兩處雖只隔一個地鐵站, 但比較安全快捷的方法還是地鐵河。在僑城東站下車後, 走約十多分鐘便到達OCT。不論是OCT或是美術館, 其實都是華僑城的一部分, 當中除了如OCT或美術館所屬的文化區, 還有遊玩設施區如歡樂谷、錦繡中華、世界之窗, 是個大型的文化旅遊區, 華僑城集團在這裡還擁酒店、房地產等項目。 華僑城文化區給我的感覺是頗為商業化的文化藝術區, 一方面有個大貨倉展覽著當代藝術品(目前展覽仍然是「透視的景觀」), 另一方面也著重藝...
巡視業務活動三 - 東涌 ( 咁一同二呢?) 今日上午輕鬆領了最後幾次的藝x軒導賞團, 再一次聽本地一名藝術者的講解, 仍然感動。跟老師和學生的少少點頭微笑閒話家常, 很愉快地完成工作。隨後在荔景出現B2奇蹟, 順利匯合chodie wan一同到東涌巡視業務。 吃了個美味的湯烏冬後便到業務範圍隨意打量, 兼做廁所神秘顧客。雖然是outlets, 但因為是高級貨,價錢仍然頗為高企, 不消一會便擺駕...離開。 跟著在富東邨行大運, 幸好遇上70%林子祥途人教路, 才找到路到距離市中心廿五分鐘腳程的東涌炮台。 裝修中的地方 清朝嘉慶年間的大炮 已荒廢的東涌公立學校 你可以沿城牆圍著學校走一圈 這個東涌炮台確實驚喜。跟著便走到逸東邨附近的侯王廟, 可以廟宇大門已關, 下回請早。在這裡, 我們看到一隻黃狗瑟縮在廟門口, 刺骨寒風, 牠不自禁地抽搐, 我卻無能為力。我在想, 為何牠不走到廟後風被擋的位置呢? 也許是牠很負責任, 要守門口吧! 之後就到逸東邨, 已沒時間去另一個炮台和藝術徑, 時候已晚。我們便坐巴士到深水埗, 吃了chodie的第一餐堂坐打冷。呵呵呵~~勁好味!