今個星期一好刺激，要記底。 朝早受託買蘇打綠演唱會飛，攞咗部macbook air返公司，雙機！打埋電話！搞咗成個幾鐘，本來已諗住放棄，一直都冇運仔，同事又開始返嚟，費事咁揚，收埋部mac，轉為偷偷reload，點知最後竟然入到，雖然買唔到最貴飛，但都買咗中間的，好難得咁lucky，入信用卡冧巴時震都手曬，任務完成後忍唔住獎自己飲杯紅茶！YEA！ 之後係打電話訂鞋。買嘢對我嚟講都有負擔架，除咗用錢，呢次仲有個原因係因為呢次對鞋係搵人訂造的。話說之前見本地有手作人推介自己爸爸的手造鞋，平時一對clarks都成千幾蚊，咁我不如支持本地創作仲好。間嘢叫Pa Pa Shoes，爸爸喎，中曬我下懷啦，Hea咗好耐終於搵日去拜訪，係葵涌工廠，上去前要打個電話費事摸門釘。師傅姓謝，年紀唔算好大，佢超好人，教曬我點坐車點行去。去到，講咗兩句，就幫我度腳，見佢屈身，我超唔好意思，我叫自己唔好咁迂腐諗太多，因為你面前既係一位master/craftman，要信任佢既專業同真誠。之後佢叫我揀色，有得選擇，呢次弊勒。心入面係想造對淺色啲既，諗住易襯，又文青啲，但師傅個邊冇喎。佢因著皮的硬度和鞋款，建議咗兩組顏色配搭，仲剪咗少少辦畀我返去慢慢諗。去既時候係二月中，快過年，師傅話佢訂單太多，造都造唔切，我話我一啲都唔急叫佢唔駛擔心，佢聽完不知幾開心，於是我就攞咗啲辦返去慢慢諗勒。點知一諗就諗咗成個幾月，當中都有因為成千蚊一對鞋又開始有少少想縮沙，諗住豪咗個一舊水訂金，又覺得始終唔係心水顏色，無謂勉強，總之諗到好煩啦！呢種翻來覆去太折磨，浪費時日，於是我就決定，繼續做落去，既然都畀咗訂，本身又想支持師傅同本地手藝，咁係值得的，而且，用戶體驗方面，你唔試過都唔知好唔好著，而你又確實需要一對鞋，咁點解唔做。好啦，我知我好煩。所以隔咗成個幾月，係周一下午就打電話去問，初初仲驚師傅已經唔記得我，或者點點點，諗得人好衰咁，但一接電話，佢竟然有mark底係手提，仲叫到我張小姐，真係抵曬啦！終於，揀咗色，亦叫佢話唔急，整好再話我知，就係咁，了結咗我搞咗成個幾月的一件小心事。 之後呢，我本來想報讀英協的course既，諗住周一去報名個能力測試，點知望真啲先發現之前睇中既course係初級班，應該唔太適合。好惆悵啊！仲未搵到適合的course報呀！我咁desperate，係因為份工真係好閒，幾穩定，想襯...
Posts
Showing posts from April, 2015
你喜不喜歡自己的文字呢？ 我的文字沒什麼特別，但我是很喜歡它們的。 這幾個月沒更新blog，也沒完成一篇小故事，時間除了用來發呆和處理一般事務，其他與文字相處的甜蜜時光主要用在整理嶺南研討會的稿，約兩小時的討論錄音，得花上足足四個多星期才完成。有了上次的經驗，這次小兼差算容易，語氣、保不保留口語等困擾來個一刀切，書面語為主，重要形容的口語則括號保留，最大的改進（最好是）是勇敢刪除說話時的枝枝節節，之乎者也，因為除了此等無意識又不連貫的連接詞，做一次完完全全「我聽到的意思就是這樣」的整理。希望講者看完不會嘔血。 其次是浩大的台灣之行小紀錄，八至十篇短文，竟然也要花半年時間！寫作習慣果真是要逐點逐點建立，抓到了心思沒了寫作mood，有mood了又不知如何下筆。而且，當想到你是誰誰要看你的遊記，就有點sad，說給自己看為自己記錄，別騙人了，想多點人看，又自知自己是老鼠，所以這次定位只是給一向會看我文字的幾位朋友看，就如此為我三星期的獨旅畫上句號好了。寫這些短文也花了一些心思，有別於平日諗到咩寫咩，是想練練文筆造句，不過內容還算是隨性的。 最近不知何解會突然間想起分手一刻自己不該說又說了出口的傻話。 你現在是不要我了嗎？ 想到自己這樣不成熟就會想哭，但又深明我就是會說出這種話的人，拆之前還是天真的圖個確切答案，還是把愛想成要和不（/被）要，明知這句台詞會換來對方的難堪還是想說說看，難道我等的是一句意料之外的回應？ 那時候輔導有教過如何面對從前難過或印象深的片段，就是叫現在的自己跟當時的自己說句話。如今，我會衝過去抱著難過、激動的自己說，「不怕，有我來愛你！」 未來的自己衝過來跟過去的自己說愛你，是什麼爛梗！（是煮一個人咖哩嗎？） 不瞞你說，星座預測有說了幾點讓我上了心頭的事情（咪又係工作感情個人，還有什麼）。 工作上，它說不要落入「一切如此很好」的迷霧裡，現在工作過於閒適，當初想從工作上訓練什麼屁文筆，拿經驗的希望，目前幾乎完全泡湯，工作上有時間做自己嘢，好是好，但也太不事生產了吧！ 二是個人發展。有好有不好，該注意的是又來到較辛苦的持守位置，小人處處，不要樹大招風，不張揚我倒容易，但要持守些什麼我就說不上來。錯過了繙譯postgraduate diploma的課程，打後半年是要報讀些什麼嗎？ 三，默默祈禱，自求多福。