自然與我快樂起來

瘋人快語 搬咗樓上, 變成高層(泥土裡的未發芽小薯)!!! 有蛇痛, 少少傷風, 可能有點內壓 近星期多去了香港島的西面, 發現新大陸 幾周年一週, 食到飽 很想把大尾篤的家庭車一腳踢落水塘, 他們可知道他們踏得多危險啊!!! 有告訴你嗎? 嫂嫂有喜了, 媽媽這個星期五會飛過去澳洲幫忙, 一留就至少半年, 爸爸稍後也會跟著去, 看看孫兒, 看看成家立室的哥哥

最近越來越做自己, 後果呢, 是一餐免費午餐。 話說head提議搞普通話聯誼聚會, 每星期一次, 而自己不幸被點名邀為導師之一。和另外一位較讀音較正統的導師商量後, 我只承諾負責助教部份, 以及聽歌學國語的環節。 了解我的人就知道, 我怎會如此順利就範呢?起初令我抗拒的是, head本身的目的是要閒聊, 而不要正式上堂, 而我理解整件屎是一種團結團隊的方法, 在百鳥歸巢、今日唔知聽日事的情況下, 我努力地說服了自己, 勉強當了助教。 幾堂過了, 大家竟然也接納了導師教拼音, 然而閒聊的部分還佔大多數。七、八堂過去, 大部分人都只是誠意出席吹水, 有些不介意留夜一點, 有些看得出是受大圍壓力影響, 橫豎只是和平時閒聊的地方不同罷了。這種十人圍在公司會議室的興趣班, 漸漸變成困獸鬥。 我當然希望盡快脫苦海。在這裡, 我從來都是做say no/叫停那位 (突然覺得好叻)。第十堂將臨, head又乘機搞她最愛的聚會, 說要辦個謝師宴, 正當在愁怎樣借口逃遁, 幸好第十堂延了兩星期, 否則會立即生蛇。然而, 第十堂總會降臨, 她舊事重提, 這次我便直接婉拒了。 結果呢, head跟細老細說了我不去, 細老細便翌日約我食飯了。 到底我為什麼這樣怕聚會呢? 為什麼我這樣怕跟同事吃飯呢? 為什麼要冷水澆熄熱心一顆呢? 在我的立場, 我決心要表達我不想去, 因為我不想再每次說了去, 但未赴約就已經想東想西, 心裡超載, (那又為什麼那麼容易超載呢?) 那倒不如當初乾脆拒絕。於是, 我做了自己, 多了餐飯。

弱雞心靈獨白之阿head 雖然阿head是很有能力, 英文好到不得了, 也十分關照長年跟她打拼的同事(算有義氣), 不會搬弄是非, 不會爭風呷醋, 也會搞搞新意思維繫團隊, 但, B-U-T, 我不太喜歡她。 或許我對上司總有莫名的抗拒感, 縱然心生尊敬, 也縱然我沒什麼實力, 我就是不會「賣賬」(她也不賣我的), 自我出身便採取敬而遠之的態度。更何況, 她的一直講冇人講的問題比瑪姐嚴重十倍, 我就更沒趣。 她對我還好, 只是陰影產生於做VW Project的時候。首次要將博物館級數展覽移師一個什麼都沒有的空間, 她不但面對強大壓力, 整隊人也如臨大敵, 我就更加弱雞, 要handle陌生感仍達50%的PR工作, 壓力倍爭。有一次因PR公司在聯絡上的失策, 激發可惡的英文報章記者刁難, 這意外讓她被其他部門及可惡的不合作伙伴質疑, 她顏面何存, 加上種種壓力, 她首次向我和細老細發炮, 拍枱加天鵝連炮。弱雞之心, 面對下下有力的拍枱聲, 腦內一片空白。只餘細老細一人獨力應付安撫發火中的head, 我更慚愧。 也許至此之後, 我被她嚇怕了。 之後好像還有幾次又是PR的工作弄得她頭上冒煙, 雖然我只需付部分責任, 但她發難的厲害, 足已對我產生杯弓蛇影, 草木皆兵的影響。 我理解, 面對這樣大壓力的事, 又是大家從來未做過的, 當然壓力大, 她也可能不知怎樣處理、帶領我們前進, 然而, 只怪我當時心靈又特別雞, 所以對她反反覆覆的陰影揮之不去。 最重要是她真的好多說話, 不停講, 但又要對你講, 又不給時間你回應, 直接挑戰我這個introvert的忍耐力, 讓我覺得好煩。再加上她太多奇奇怪怪的ideas團結隊員, 例如組織普通話堂, 又邀我當其中的導師, 我當時真想放火... 自焚好了。 上上年appraisal, 她對我說, 拿, chris你係聰明人, 你聽得明白我講咩既, 你要再主動d, 多d講先可以outstanding自己。 上年, 她對我說, 你係咪都仲係幾驚我呢, 其實我初初都知道你比較慢熱怕醜, 所以對你係特別輕keng咗。 多謝晒! 不屑以人夾人緣作結語。 也許某天, 我才會理解到, 我曾錯過多少希望提拔我的伯樂。 但願心靈得到釋放。

經過幾日m期抑鬱, 我又復活啦! ．．． 今日剪咗個死人頭，再去後山跑步，鬆動估計都有800米架，腳仔頸仔都鬆弛咗，再去行吓康怡太白城睇吓有冇西裝褸，買咗fokmocs DVD同food inc VCD，入商務揭吓最新書刊，食咗吉吉家下午茶，緩慢步行回家，十二個爽！ ．．． 下個禮拜搬上六十四定六十五樓啦，頂！好撚驚呀，頂！醒定呀！ ．．． 喺中環或金鐘返工嘅朋友，香港公園嘅內 茶具文物館 ，係hea嘅好地方。當年係天橋底返工咁耐都冇去過，真係蝕晒，唔駛錢架！勁力推介係樓上嘅展覽廳，其中一條片係製作紫砂茶壺的三種常見方法的示範，睇完條片你會覺得好平靜，好滿足，因為片中嘅姨姨，用佢對肉手，好耐心好細心咁整好三個工序繁複嘅茶壺，實在欽佩不已，加上剪接好，影片顏色contrast剛好，令人覺得條片好似睇緊以前好中意睇嘅日本風情畫。片雖然長，但竟然會令我有滿足嘅感覺。 當然呢類舊樓翻新循環再用都不免要睇吓呢座建築物原來嘅歷史，有時展版上面一大堆字，會睇到人傻。文物館本身係Flagstaff House，要了解佢嘅歷史，不妨去嗰間兒童遊戲室，當中有一本巨型圖書，介紹咗呢座建築物嘅歷史同歷年宿主，好易明，又大大本好易睇，有小朋友嘅又可以畀佢喺度玩吓，都幾爽架！ 另外要讚嘅係佢嘅雙魚咩咩紀念品店，可謂係全康文署轄下博物館中紀念品店中賣嘅嘢最relevant又多嘢睇嘅一間！讚！（你又估吓最差之紀念品店係邊間　－　係太空館！簡直睇到要燒著）　 大家有機會都去行吓啦！

明天一早又要上班。 這個短短五天的公眾假期, 經常大霧, 能見度指數係高, 強度屬於9, 人都快要瘋了。 堅持假期例行親親大自然的公事, 在頭一天便冒雨行難度一般的釣魚翁郊遊徑, 只是郊遊徑, 而不是主峰。尤記得某年和朋友一同前往, 越過那「此路不通」牌便慢慢上頂, 從來上山容易落山仆, 雖然下山路程較短, 但亦較險, 我被浮沙碎石嚇到腳軟, 要同行友伴回頭逐步「教路」, 頗算刻骨銘心, 由是不敢再輕「挑」, 更何況是當日這樣的屎灰天。 郊遊徑易走, 需時大概三小時, 先到將軍澳醫肚, 後遇到健談的小巴司機。 走上山坡, 掙大鼻孔, 深深吸入濕濕酸酸的草味。景色灰濛一片,又開始下兩, 對這種shxt天, 我心內, 讚賞不已。 與樂活堆填區並行,差不多走了一半, 含雨量飽和而滴水的頭髮告誡著, 係走就快啦。飲恨沒帶舊公司無敵防水褸, 加上同行雞恩一病可大可少, 於是在中途閃人。 就在那20分鐘滿是濕滑石頭的下山路上, 暗暗許下要買新行山鞋的願望。 這樣就完成了1.5小時的親親大自然之旅。 ．．． 工作上, 最煩人的固然是人事。我是個很懶惰, 又很少聽得懂別人心個句, 作風偏向保守, 沉默, 懶得出聲, 幫理又幫親, 更欠圓滑辭令, 在處理人事問題就總力不從心。 有兩個具體例子: 一. 約團: 我總是不懂要triple confirm導遊才開團, 加上反應慢, 導遊一有事我就死機。 二. rounds of back & forth: 老細不喜歡書刊版面, 我便叫設計師改, 設計師不同意, 叫我跟老細談談, 如是者反覆十次。宅秤寶寶如我就是左手係肉, 手背又係肉, 口中唸唸有詞「那你們不如先傾掂數再找我」的怨念, 亦不免當下即hang。 我很怕這些情況, 雖然已經開始懂得由根源問題著手, 盡量減少這事麻煩事, 也不再怪責自己不夠專業、技巧, 但偶然也會不得要領, 讓我午飯難安。 我相信, 這兩個例子比起大老板要處理暗湧處處、陰溝翻船、笑裡藏刀等更高層次的實屬小巫見大巫, 可是對我來說, 我就是連這些事都能把我煩到, 所以, 有點煩/憂。 ．．． 我希望能夠再清減一點, 不是體重, 而是雜物。把舊物丟掉原來都沒這樣不捨得, 有超過兩年不曾動或用的東西, 擁不擁有確實再無所謂。 只希望我的物欲可以再節制一點, 把賺得不多的金錢用到最值得的地方 (雖然已經十分超級慳)...

近年開始多咗出街食飯, 有幾間係覺得唔錯嘅 (唔駛車輪我, 大家各飯入各肚, 況且我都唔太識食): 樂林小鍋米線 - 喺公司附近, 好適合一條冷嘅我 (冇錯! 我係絕少同同事食飯嘅宅秤寶寶!) , 米線大大碗, 一餸四/五雞, 我細食(!), 加上佢通常加半隻鹵水蛋, 一大堆草(芫茜、葱、酸菜、芽菜), 一餸都夠飽, 加熱飲都係加三雞, 埋單只需$30內。我平時都好少要求服務, 但佢嘅服務真係唔錯, d待應, 有大隻嘅, 都普通的佬和哥仔, 全部都唔會粗粗魯魯, 亦可能由於有熱湯又咁大碗嘅米線嘢, 佢地都會對啱你點嘅, 再好輕手咁將碗嘢放喺你面前, 執枱都係淡淡定慢慢黎, 起碼唔會搞到d酸辣湯水飛濺, 或者收匙收筷棒棒聲, 食都食得放心。 十勝豚丼 - 即係又係d幾十蚊食到你飽屎個隻又唔會口鞋鞋個類。第一次食, d 燒豬肉真係好香好好味, 食過幾次就麻咗d啦, 但勝在夠大碗, 又有一大堆我好中意嘅洋葱絲 (又係呢d!?), 轉餐又有沙律同湯(大玉之最愛!) , 都算係咁啦, 幾十蚊。重有係個位置囉, 因為尖咀通常都諗唔到食咩, 又驚要等, 又驚唔飽, 又驚貴 (就係所謂大玉咩鬼都驚嘅風範), 呢處除晚飯外, 大部份時間都唔駛話勁等, 同埋人少少, 靜靜地, 有餐飽飯你吔, 真係唔話得囉。 三洋餐廳 - 嗯, 我越黎越有佬嘅口味, 雖然都重未識/愛食魚, 但魚湯泡飯都係幾佬之選擇。呢間嘢出名好多魚(唔係多舊咩啦吓)類, 可以蒸一條送飯, 好串, 成間店都係魚嘢, 咁所以佢可以好專咁做埋魚湯泡飯, 又真係鮮味得黎唔會漿住你個口。佢湯飯都好多配搭, 我通常擇鮮雞、肉片、鮑片之類, 雞恩有次提議加咸旦, 又得, 再搭條油麥菜, 又係食飽屎你嘅好選擇。 鼎泰豐 - 其實都唔駛多介紹。我唔太多食小籠包, 覺得冇咩咁出奇特別, 我愛嘅, 通常係碟薑絲紅醋。嘩, 但係個日, 下午茶時間入黎, 一黎冇人, 唔駛等位已經心情愉快, d親切服務同國語對答又加分, 真係掂。d嘢食, 都十分好啦, 雖然講唔出有咩好, 淨係記得個小籠包頭頂d摺痕又密又細, 食落都好開心。個碗牛肉麵都喚起係台灣旅行嘅回憶, 雖然比唔上花蓮個檔唔知咩, 但湯水好濃郁。最後大家真係唔好忘記要幫親佢個廁所, 個位敬業樂業嘅廁所姨姨, 為成餐畫上完美句號。 寫住咁先。