我諗我d負能都冇得再更負, 因為又開始有覺得個個都針對我既感覺出現。 又要馬兒好, 又要馬兒不吃草; 其實我諗我唔係個咁貪心既人, 只係對於同同事之間既關係, 感到束手無策, 其實可能好似細老細講大家都唔覺得我怪或者難相處, 全部可能只係我錯覺, 又或者大家咁樣既態度已經係為咗我而調節咗少少都唔定, 但投入唔到個團隊, 我覺得日日返工都好受罪。 而且大家洗錢pattern唔同, 令每次吹雞出去食飯都令我十分困擾, 我實在唔中意午飯食到咁Q貴, 你地冇所謂, 但我慳慣。 不過, 話說回頭, 每日既午飯時間, 我都係選擇避開大家, 可能個事實係我唔想同你地講嘢。 你地個個都好好, 但我就偏偏投入唔到, 但我又做唔到好瀟灑咁唔理人地dam睇, 偏偏會因為咁樣而(更之)唔開心。 若果撫心自問自己係咪冇試過投入, 答案可能係得六七成, 推動力唔大之下, 我都跟大家食過好多次飯, 上等人玩法坐的士去筲箕灣食魚旦河, 好可惜, 對住大家, 我仍然冇咩嘢好講。 或者我真係比較適合一個人做嘢, 或者個團隊唔好咁大, 因為我interpersonal skills真係好差。 心入面係真係有比較, 而且一如以往, 淨係識得踩自己, 或者用自己最差個樣嘢同人地最叻個樣嘢比, 玩死自己囉呢d咪。 正一煩惱自尋, 庸人自擾。
Posts
Showing posts from June, 2009
星期六日, 生意勁好, 除了拖咗好耐既人物訪問、阿哥新公司卡片設計, 以及經脈操powerpoint, 突然有兩單嘢飛黎, 都係義助形式睇吓d中文英文稿, 好短, 睇得算輕鬆。 寫呢篇人物訪問時, 其實頗感吃力, 因為覺得挖得不夠深入, 未能緊扣生死這主題, 又因篇幅所限, 未能深入寫下主角對愛滋病情況的反思, 總覺得文章有點兩頭不到岸。 當磨鍊的機會吧! (都磨咗好多年啦喎~) ．．． 睡覺問題似乎得到不錯的改善, 至少不會像以往常常「扎醒」, 跟著一輪驚恐不安, 久久不能睡。跟著便要解決腸胃消化和吸收的問題, 希望晚晚在家裡拉下筋, 偶然去游下水, 可以加持一下。 ．．． 近來在康怡附近開了一間吉野家, 本身對吉野家完全不感興趣, 只記得很久很久以前吃過一次牛肉飯, 嘩, 覺得爆難食, 以後便完全漠視其存全。 昨天星期六, 難得好天, 到家附近走走(對, 亦即公司附近), 一心為了醫肚, 本來要去大吉城既Apeter入面個foodcourt食我那年失業的筍盤 - 價值16蚊既下午茶餐湯烏冬加炸物, 可惜事與願違, 發現再沒有上述選擇, 而改了湯麵餐。講真, 湯麵我真係唔太鐘意, 行咁耐又熱到隻狗咁, 誓要食到烏冬為止。幸得雞恩告知吉野家有下午茶湯烏冬, 都只係18雞, 在合情合理價既考慮之下, 決定一探我幾世耐冇去既吉吉家。 好開心, 雞恩冇介紹錯, 18蚊既煎雞咩鬼昆布湯烏冬, 夠晒多, 又幾好味! 跟住, 今晚我又忍唔住襯阿媽又試周休二日唔煮晚飯, 提議再食, 今次係煎雞飯, 仲加咗鹽燒靖魚, 好好味! ok抵啦晚飯就, 好彩屋企常備麵豉湯, 唔駛叫餐, 慳返更多。 ．．． 大家唔好叫我慳d, 因為我已經好慳。 唔係雞恩講, 我都從來冇諗過, 其實扣減咗家用, 我月入其實只有差唔多一皮。 都唔係好中意買嘢既人, 但就唔知d錢去咗邊, 存唔到好多錢, 呢輪又要睇中醫, 洗咗唔少, 但真係冇得再慳d架啦～～～
從來都沒有所謂天使魔鬼。 思考時, 只有被一把聲音支配, 別人勸言只在耳邊飛過。不論是懶不想工作, 抑或突然起勁良心發現, 幾乎沒有拉鋸。遇到難事, 會關掉大腦引擎, 呆坐巴望事情自動轉好, 而自己則在茫茫大海游背泳。 近年思考與行動上的自我阻撓變本加厲, 我開始分不到究竟要聽哪個聲音。為我好、知我者的人直言規諫, 方法策略不一, 更往往相距甚遠, 有時為了試不同方法, 內心反反覆覆, 情況是進一步, 退三步。 近日更開始出現聽不懂到底你在勸我還是想玩死我, 不論讚美或批評, 完全不能消化, 不想相信, 甚至到了句句也想問「你為何這樣說我」的地步。 觀乎以上狀態, 或者是基於內部建築日久失修, 倒塌的倒塌, 殘破的殘破, 連自己也認不出自己來。 當自己對自己的認識, 若只是建基於理想中的自我形象, 就很容易出現眼高手低的情況。接續的失敗和困難, 消極灰心便會輕易的不戰而勝。 到底, 我該聆聽誰的聲音? 以往我會說, 往心裡找, 因為真心能永遠。 現在, 當發現心裡面壓根兒沒有創造世界的力量, 一切頓變空話, 面對狼狽的自我膨脹, 恨不得立即爆炸自焚。 ．．． 沒有目標便容易失去動力。 ．．． 存多點錢。 未來又要多花費改善精神健康。
最近多接了一些義務工作, 包括經脈操老師的ppt, 嘉琳工作組織的小訪問, 以至哥哥澳洲開了小小一間旅行社的名片設計, 還未計之前幫瑩弄的結婚小片, 做一些與美感、創作類的事情, 感覺真好。 工作間最近也多了一些文字類的任務, 可以獨自投入寫作, 自閉空間裡好好增進書寫功力。 縱然曾做過五年的Communications Officer, 寫文機會卻不多, 而且英文稿多由瑪姐撰寫, 我多負責起草中文稿件, 磨練機會較少。 在這裡, 自己撰寫的英文稿件多半是七色彩虹收場, 卻一步步加強了表達技巧和文法運用, 好不開心, 為看到進步而高興。至於中文, 呵, 比起新聞系時文字功力高峰時期差遠了。 Head讀聖瑪利的, 英文好到不得了; 細老細讀什麼, 不知道, 但寫英文也是遊刃有餘。看到她們的英文, 那種時簡單時high sounding的生字和句式, 往往自慚不如, 卻也自然地重覆咀嚼。吃那麼多 (被修改得太多), 希望不要胃氣脹。 當然也要多謝劉芸小姐無限支持。 ．．． 近來醫師都會自動醒我頸背推拿幾分鐘, 覺得筋骨(和荷包)輕鬆許多。 ．．． 臂力如此薄弱, 連舉起相機都手震, 要繼續努力做(一兩下)運動。 下半年快要開始, 面對腥風血雨之前, 必須要學習如何穩住心神, 而且得勤加鍛鍊體力, 起碼不要腳浮頭暈! ．．． 慢慢學習聆聽自己的心, 不要害怕別人的目光。
在婚宴中遇上舊情人一家融洽, 心臟病發調頭走人, 回家路上哭崩堤, 拖著疲累走了幾小時, 回到家若無其事, 卻又激到現任情人……那是電視劇集的老土情節。 戲如人生, 人生不如戲。 老婆大人II昨晚上演更老套的老公老婆深深相愛卻遇到大病又不願對方犧牲反反覆覆要脅離婚大灑狗血感動了天, 竟也賺到我幾滴眼淚, top! ．．． 想避開team gathering, 人算不如天算, 老細就係老細, 一招搞掂。 才回想起瑪姐和鄭幹事自由放任政策是如何難能可貴。 我確實不太合群, 且看這個著重rapport的團隊可也會包容到底。 等你地不如先食咗自己。 ．．． 經脈操上完, 我「思縮」地主動提出幫老師免費整靚D 個powerpoint, 我諗我short ed ．．． 多謝菲比送的台灣手信, 那是彎彎MSN圖的木刻板 彎彎曾是救亡大玉的網上良藥之一 我也要記得贈你杏仁茶包 ．．． 和醫師聊起了有否出席六四 點到即止 ．．． 受琳「派遣」訪問了一位在愛滋病中心工作的姑娘 一個多小時的分享 不嫌長 道盡心路歷程, 人間百態, 面對生死的各種取/姿態 全心投入了訪問之中 我覺得我還是喜歡與人有較深入的分享 而且, 喜歡寫作 ．．． niche是我的中文稿沒有像英文稿般被改到七彩, 順利通過木人巷 然而, 我也學到了實用華麗高聲的英文 強語文, 弱溝通 ．．． 繼續收看Jamie Oliver的Pass it On campaign 竟也讓我萌生了學煮食的念頭
結束十頁的筆記 記不住那一種感覺 桌上煩人的考題 怎麼算也都是無解 誰了解我 救的了我 空氣裡有個聲音 偷偷說 你沒有用 你關心我的最近 說你也有同樣心情 面對這類的問題 我們總是沒有力氣 鐘聲響起 怎麼繼續 我跳不出相同邏輯 不斷追著我 一整個學期 沒有意外 一直重來 也許簡單還是一樣的難 說過的那些話 還是不明白 在諜對諜之間徘徊 沒有意外 又要重來 只好在圖書館找回一點浪漫 幽默的安慰著我然後笑著說 可能是 寂寞它考倒了我 這是意外 我好想重來 只好在圖書館找回一點浪漫 幽默的安慰著我然後笑著說 就讓我 寂寞考寂寞的過 寂寞的過 寂寞它考倒了我 結束十頁的筆記 寂寞還在我身邊 寂寞考 . 盧廣仲