自然與我快樂起來

禍不單行 要嗰樣冇嗰樣 冇嗰樣整嗰樣 但大概是時候到頂了 要翻身了 家父坐骨神經痛突然惡化 五年的太地生涯 就是為了應付這一刻的亂狀 感謝身邊好友親戚幫忙 感謝有個好捱得而亦會令我們激心的媽媽 感謝有個好堅毅而又硬頸的爸爸 感謝有個雖然時時HANG機但硬淨咗既自己 像琳說，此乃長期抗爭，要保持平衡，顧住家父也得顧住自己 請為我們祈禱

注 定 流 水 帳 好耐冇更新，大家都好嗎？ 九至十二月發生咗咩事呢？ 最勁梗係完成山藝二級啦！ 年頭完成閒HEA一級入門班，估唔到二級難咁多，不但要學進階圖針、繩結，仲有三次實習，包括兩次露營，要full gear玩（孭成廿LIT），夜行蚺蛇尖，第二日仲要行澗兼玩爬懸崖（好安全既），實在太刺激。 整個過程多得隊友同教練助教幫助、提點，亦好多謝自己冇放棄。其實只要唔lur地唔行，就一定完成到！最實用係行咗好多浮沙碎石斜，成支竹既雙腳儘管仲係震到冇朋友，落斜係熟手咗少少既。另外係玩完兩次重裝露營，身體都仲吃得消，翌日成功(!)返工，覺得自己身心都更硬淨！呢次投資都唔少，好彩向好友借到營具帳篷，甚至行山鞋，最後點都因為需要而買咗cheap cheap行山大背包、幾件快乾衫、好貴既行山杖、襪、煲具等等大大小小裝備，大概等於去台北三日兩夜啦！ 三級係冇可能架啦，佢地都唔會收我，我亦冇諗住考，二級剛好。不過，會努力行多啲，同時鍛鍊下身體，或者出年會考慮報健體班，有個班箍住係會認真啲既。 十一月仲玩咗其他嘢，好似上咗兩堂香港歷史學會搞既中國古地圖及社區地圖堂，內容超豐富，老師超勁，同學亦超投入！例如講點睇中國古地圖，又點樣製作一張社區地圖。遲下睇吓有冇機會再分享！ 除此以外，九月開始咗在HKU SPACE學繙譯，係一個半年既Post Grad Cert課程。嘩，初初係有啲唔知點，好耐冇返學，有啲唔慣，要準時收工（一向準時）、預晚飯、做功課，有少少踢腳。讀咗兩個多月，老師改簿鬆手，功課成績尚可，最重要係學到幾多呢到底，係好多喎又真係！英譯中還好，可用老本，英文唔夠好，基礎唔實，中譯英係個大挑戰！同埋到底意譯到邊個程度，譯筆張弛要點拿捏，文章用係邊亦會影響風格，都有更多認識。呢班既同學仔大多係寫得之人，可惜堂上交流唔算深刻，大家志在輕輕鬆鬆又一堂。另外最大收穫係上到一啲好有教學熱誠既老師既堂，有少少估唔到，原來SPACE的老師咁有心！上堂又超多準備，又好笑又認真，好尊敬佢地！ OK，讀書報告同寫作方面停滯咗，要加把勁！ 只不過，工作上竟然變成主要寫英文或中譯英！好多機會畀我練習！除咗籃球遊戲活動寫作，上兩個星期又加入賽馬遊戲活動中譯英，真係發夢都估唔到要上賽馬會網頁去學點睇啲評述同排位！刺激到呢！馬經編輯同事雖然會解釋我聽，但譯個下始終係盲中中...

好多好多年前，寫給師兄的一封電郵入面，列出了我截至大學時代上台唱過的歌： 新不了情 心痛 擔心 領悟 走過 哭 I Swear 零時十分 囚鳥 人生可有知己 春風 追憶 償還 薔薇 至少還有你 出社會後還唱過兩首啊！ Amazing Grace （珊的婚禮，謝謝妳，珊） Lover's Concerto (佩詩的婚禮，驚喜節目） 到底小時候哪來的勇氣讓我上台去唱歌，去比賽呢？

又到了每月小結的時候： 如願報讀了繙譯短期課程，九月底開學，為期半年，做個好學生，要認真學習。 然後才發覺我看過的英文繙譯小說怎會這麼少（閱讀量本來就弱），只有兩至三本。對言情或勵志經典不感冒，是想找些什麼南美魔幻小說來看看。想了有半年。

說這齣動畫感動了不少「大人」，不知道大家感動的點是哪些呢？ 先說說五位情感角色的形象。除了藍色髮膚，阿愁看來就跟現實生活中帶一點點胖的小女孩沒兩樣，綠色的阿厭是典型奄尖聲悶的女角造型，阿驚是條人見人怕的蟲，是個紅色火山的阿燥有著成熟男性穿著，阿樂則是個不折不扣轉圈圈易過借火的迪士尼式小仙子。除了阿樂，各有相乎的主色，更易辨認。自己特別喜歡阿愁的形象，因她是五個角色當中最接近現實的，微微胖，平實的白色高領毛衣加一個黑框眼鏡，不想突出，方便隱藏，這樣的形象通常會遭排拒，被忽略，蠻有意思的。 阿驚掌管安全事務，負責避開危險，會一早預備好一大疊「可能出現」事項，縱然有些屬杞人憂天，但他卻是五個當中最勤力的。我跟阿驚比較熟，所以看到他既會會心微笑，也不免想為他平反。阿驚也不是時時刻刻都驚，是需要的時候才會焦慮湧現。像主角發夢時，守夜更的他便一派怡然自得，還嫌情翻炒兼老土，可見他其實懂得調節的。 有留意嗎？阿愁雖然哀愁灰心，但整齣戲裡她沒流過淚呢！戲中對淚的詮譯有乒乓的I cry candy，淚兒是甜糖；阿樂的淚則是戲中最重要的轉折，她終於明白到哀愁傷心這種情緒並非萬惡、無用，而是與生俱來的情感的一種，甚至與喜樂一樣有著強大的感染力。同一時間也可有喜怒哀樂，否則怎會有五味雜陳這個形容。阿樂親身體會愁思，傷心啜泣，二汶的賣力聲演，此刻倒是全劇中最為動人的。 「​​十一歲的韋莉，仲可以發生啲咩喎！」這是另一個我覺得重要的信息，戲中五個情感主角隨著韋莉長大學習，現實中我們才是需要學習情緒變化那個。自以為和自己相處融洽，十拿九穩，但面對變化、壓力，我們會混亂，會壓抑，會爆發，我們會對失常的自己感到陌生，甚至否認，抗拒，但這些都是真實的我們，是我們的一部分。經一事長一智，加強版的主控台終會出現。 情緒一來容易做錯決定，戲裡的阿燥也在六神無主的情況下出了個餿主意，導至韋莉離家出走。不知道小朋友對主控台變灰那情節有什麼感覺呢？我想，那是麻木、抽離，這種滋味，愈大個愈熟悉，與戲中一樣，這種狀態是連阿驚阿燥阿厭都會束手無策的。 阿樂阿愁被吸走​後​，​阿驚阿厭和阿​​燥嚐試學阿樂做反應，回​應​爸媽​的​問候，結果當然是勉強無幸福。​這​讓我想起掩飾真實情緒是一種勉強，你​明明怒氣衝天​硬要說成​快​樂​，人家怎聽​​都會聽得出來，不過現實​情況，​​多數不容許我們​​​...

跟著整理一下一些特別的經歷。 拔牙 ：一次過拔了左邊上下兩隻大牙，過程不太痛，手術後傷口久久不癒有點麻煩，但重點是，護士姨姨很細心，牙醫哥哥好靚仔，診金仲……科科～ 我那麼重情重義，當然也要為這般小事做個記錄。 轉自FB status： 之一 請慢慢開始習慣 沒有我的日子 離別難免傷痛 相信我 沒有我 你也能生活如常  之二 我接受唔到囉 你一直都冇話我唔好格 我知 我係烏wear咗啲 但有邊個冇缺點 你都唔駛唔通知一聲就撇開我 我唔甘心 我要喺你身上留低你一世都補唔返嘅缺口  〈今日梗係先幫你咗剝下面出唔曬蛀咗嗰隻大牙但上面隻都崩埋不如同你即日剝埋佢啦你想唔想先〉

是時候做一個半年總結。怎麼近來那麼愛做總結？確實，做個前曕也不錯。