自然與我快樂起來

就覺得很疲累。 去了京都旅行但一點放鬆的感覺都沒有，仍然覺得身心皆疲。 好想找個地方去睡覺，一個人，好好的睡，好好的看，好好的哭，好好的體驗疲憊。

家庭 2017上半年家裡有一股低氣壓，主要是因為媽媽不滿姐姐而引起。 到底不滿什麼呢？很難說清楚。 是飯菜不合胃口呢？是家裡多了一個人呢？是廚房給進佔了呢？還是錢未過她手呢？ 上年曾因收拾滿出來的鍋碗瓢盆而把媽媽激走，讓我痛定思痛不能再這樣用硬的。雖然還是語氣很不好的跟她討論過，還好想到了緩和方法，那種「一定要處理」或「把父母拿去處理」的心態也再調了一調，持續幾個月的陰雨綿綿，也隨著媽媽生蛇痊癒後，雲開霧散放晴了。 爸爸身體還不錯，一直有保持運動，而且韌力十足。他的心情和心態也超級健康，不是息事寧人，而是「睬你有味」，過自己想過的生活，十分快慰。他還跟一位叔叔遠征了曼谷一趟，看看失聯而久的好朋友的兒子，我知道不讓他去的話他一定會悶悶不樂，看他身體情況也不錯，就由他去了。 每年四月復活節前後，來港放假的希臨都會帶來意想不到的笑料。今年他的英文更厲害了，整個人活像是個資深的Youtuber，狂妄而搞笑，好喜歡他的風格，卻又離以往善良的希臨BB不一樣了。今年最開心是跟他和哥哥一起去了長洲、鯉魚門，他到了不用抱的年紀，足跡自能遍及更遠的地方。 以前和哥哥出門，是又怕又愛，一方面他脾氣不太好，感覺一不小心就會被點燃爆炸，可是他又偏偏很懂得玩樂，錢出去根本沒在看，要不是自己吝嗇也吝到他身上不想他用那麼多錢（唉，什麼體質），過程就能完美完滿。這幾年哥好像變了，變得穩定（不是穩重啊！好嚴格的妹妹），加上希臨的快樂笑彈，一起出門真的非常非常快樂！ 身心 告別超輕鬆的瑜伽治療班，報了瑜伽拉筋班。上課地點在旺角，放工去或歸程都有點遠，不過上了快十多堂課，感覺極為良好。感恩自己濛查查先挑了由館主之一所教的治療班，從她身上學到了好多微小卻又很基本的東西，例如腹胸呼吸，大休息時怎樣掃瞄身體，做動作時怎樣感覺做得對不對，諸如此類，幫我這個和身體不太熟的人打通了學習經脈。到上拉筋班時，雖然還是很硬，可是都能跟上老師的動作，不是能「拗」，而是能「通」，起碼自己蠻肯定大部份動作沒有拉錯地方啦，可喜可賀。有幾次，搣時還叫我示範，可是一叫我就緊張就做不到，只能哈哈哈打完場。暫時只依靠每週一次的拉筋班，平常就盡量保持正確姿，希望老了少一點痠痛。 很有趣，琳終於離職了（為什麼用「終於」～），超搶手的她很快就有著落，只是那機構並不是她那杯茶，剛...

有次在公事交涉上吃了苦頭，好朋友安慰說我是「聽到面嗰浸唔識聽底嗰浸」。她說，這幾年天天在爾虞我詐的鬼地方上班，從自我保護，防人之心不可無，直接跳級，迫使她使壞（她沒有真的使壞啦），什麼口蜜腹臉、隔山推莊都領教過，一聽就知道別人肚裡在盤算什麼想染指什麼。不過她也說，這種「技能」寧可我不要學，因為一學懂就難以回轉，常常聽來有味。我聽著，本來想脫口而說，不會的，你的底是好的，你一定可以回轉的！屁啦，朋友現在到底有多壞，把灑狗血的劇本給我收起來！ 聽到朋友這樣說自己，心裏當然不好受，代表她這幾年遇到不得不讓她卯起來對付的「衰人」。我會想，她身處的煉獄到底有多嚴峻呢？能不能不以其人之道還治其人之身呢？還有自己那個即時反應，又說明了什麼呢？ 最近想明白了一些。 以前我一直想保持「聖人」形象，做事做人要「正確」，要站上道德高地蔑視一切，得到蘇珊開示後，解除了這個無聊的自我要求（其實一直也沒做到啦）。然而，修練並未完成，不要求高潔，還得容許自己使壞。 使壞不是窮兇極惡的壞，也不是真正出招要對方不能翻身（如果能力有這麼強的話，該有多好）（誤），而是容許自己有壞心眼，既然平常都慣了以小人之心度君子之腹，那就接受自己是如此齷齪，根本是個卑鄙小人吧！（沒那麼嚴重啦～ 然後你會看到，這些壞心眼背後，可能是源於不夠／太自信，未認清事實，又或者偏見，更多時候是習慣（一遇到事只懂把人分成壞和好，這樣的人際觀也太單薄了吧）。 至於好朋友的情況，我期望她能把對自己和別人的要求調低一點，也許就不用下下出技了。（狀況為不用勸，也勸不動～

又係好悶既一po！YEA！好係我！ 唔好講呢半年都真係好多嘢都唔記得曬， 睇返手機入面既相，加上FB，先勾返起啲淡薄記憶⋯ 今年上半年嚟講都算係咁，比起上年手忙腳亂，今年啲波浪細好多，亦唔係狂冚埋嚟， 但亦因為咁個心會比較冇方向（係咪要有事先識死），即係心散。 好不幸（定有幸）記憶比較深既都同freelance有關，因為佢地係壓力來源。 年初突然間見返設計師朋友，接咗份以programme developemnt為主既freelance，認識咗佢做回收再造既大同，係幾有趣既件事，但做落當然唔會每分每刻都有趣了。 件事都仲未完工，大家鬼死咁忙，除咗我～感恩酬金數額喜出望外，幫補了不少。 至於本身上年跨年都未完成既跑步書2，唉，永遠係追嘢/coorindation比寫嘢難，幾經辛苦終於集齊料補寫好，但已經趕唔到書展了，出版社改到去年底出版，有得出版就夠了！ 呢半年，雖然寫嘢都係一PAT屎咁，但不斷的寫寫改改（包括正職寫球員介紹呀［都係呢度抄吓嗰度抄吓］，隱隱認知到自己有少少進步，例如句式上已default唔會寫咁長，有返節奏，仲有舖排呀之類。呢啲都係技巧嘢，最重要係有冇內容，同埋有冇角度，有時寫寫下都會lost晒，時間一急亦會直接採用平實tone，亦即係「交行貨」。有意識係第一步，時時留意，一步步改，一定可以變好！（如果運動呀、改掉壞姿勢呀呢啲方面都可以咁有信心講到呢句就好勒～） 正職方面，冇咩特別，就又又又裁員啫。下半年，麻煩你執下CV同睇下啲job adv好了，拜托你我拜托你。 話時話，通常睏午覺發既夢都係好恐佈既，好多時都會夢到壓力來源而扎醒，太古時代會知係工作壓力，但前幾日下午之酣睡竟然夢到啲同事對我超好，好主動同我講嘢，好關照我，個夢唔恐佈，只係諗返起夢境同現實情況呈90度，未到唔中意我要對付我，而係大家都唔太理我，堪稱幽靈員工。情況都唔算極惡劣既，只係互相釋出好意後，好快又會因為習慣獨行，或者莫名而來唔想講嘢甚至覺得佢地好煩，aka情緒，而令稍為有溫度既同儕關係打回原型⋯⋯不過我都知自己好難同人熟，由WWF開始到太古到衣家，對當職同事越嚟越疏遠，其實會唔會係個問題呢？工作上，因工種簡單，在這裏還行，但若果再出去做／多coordination 的工，大概就不行了。不過，到時先算啦！ OK，下半年情況會怎樣呢？ 十月就做滿...

告訴你一件事，我再度大破慳囊，買了超美的大mac！過去那台大電腦，用了沒十年也有八年吧，好像是去年年中走到生命盡頭，拖了半年，終於等到今年蘋果發佈會大mac規格升級，就買唄！希望大mac的到來，留家時會更願意寫點東西吧！（好明顯兩者沒什麼直接關聯） Freelance1的事暫告一段落了，就算有手尾要執，應該要到七八月書展過後才再會有消息。 Freelance2就繼續進行，希望在八月前完成一切，因為我下半年要進行其他事了。 原來我的freelance capacity只能同時間做一單project，而且最好不要拖太久，心裡常有牽掛並不好受。 最近行了一次大山，大刀屻。這次穿了不透氣非快乾類的衣服，加上炎熱天氣，體溫難降，舉步為艱。第一次行這座山，上斜和路況都不算難，依平常的我大概能輕鬆完成，所以突然間行得這樣辛苦，不禁懷疑，一件衣服真的有那麼大分別嗎？還是我身體差了？ 幸好同伴是我喜歡的一對，兩公婆行山實力不容置疑，太太細心超有氣質，老公則是植物專家，一路上學了不少。太太曾跟我勸說盡量不要一個人行山，時間合的話不妨找他們，感動的是她不是說說而已，是真的有找我。謝謝他們願意和我一起行山。 這兩天突然間又想到幾件我好應該好好去解決解的事情。 其中一個是經痛的問題，確實得好好去處理一下。趁現在還有正職可以claim少少，就去看看中醫調理吧。瑜伽拉筋上堂維持了一年，很好，讚讚自己。看中醫是燒錢，可是不想老了才進出醫院。 另外是腦生銹。 我的腦在2006年後就沒再運作過。講得是自我思考和理解能力。 怎麼辦呢？ 不可能再大進修了，沒錢了。看書也未能刺激思考，心理安慰反而得到一堆。 我在想，為什麼會腦生銹了？ 除了不夠聰明，另外一個是近幾年比較多往自身鑽，調整身心所用的時間多了，而同時，對理論或社會議題也跟不上了，大概是因為不喜歡那種調侃或講得很絕對的語氣吧！不覺得嗎？尤其自從2014年，人人都成為了評論家，你跟不上我也沒辦法，歪理不講，曲線文艱深文一大堆，都不會直直的講，我要怎麼把它看明白呢？我真的跟不上呢！ 台灣的評論也有一堆這樣的，幸好找到一堆講得比較白的，不會玩辭彙搬理論搞教派的。 就感覺看香港事務新聞很累，很厭惡，所以就直接放棄，沒有中間，幹。得好！ 這幾年也深深感覺到，以前我自以為有一種特別的「氣場」，至今全然褪去。性格、學養...

呢個五月真係唔知點解咁鬼難捱。 其實都冇咩好橙既嘢或好大壓力既嘢發生，只係好多嘢唔按軌道行，係咪都夠呢？ Freelance 2 方面，經過四月的自我懷疑，衣家抱住做完就收錢的心態去做，因為都好難滿足佢地兩個大忙人。五月借咗啲書返嚟抄，希望六月能夠完成。其中又試過接Freelance 2a，幫人改英文報告。改人英文，簡直係找死，自己英文唔好得去邊，結果都係喺網上抄嚟抄去，完咗件事，下次冇一星期時間我都唔會再接，都只係收你幾百大洋，無謂做死自己。最慘係你話我改完幫到你，實際結果上，我都登大家開心，不過自己就好清楚自己英文程度去到邊，一路改一路爆粗一路擔心一路後悔⋯⋯好啦，都完咗了，OK了。 Freelance 1呢，好明顯佢地係呢個moment先睇份稿，先發現有嘢改，先覺得呢度嗰度，嗰刻真係好嬲，覺得你浪費我時間。靜落嚟諗，或者佢地唔睇，除咗因為唔得閒，對出書唔熟，都有機會係因為相信我，所以一直都放低直到臨要呈上編輯勒先睇先改。可惜我真係幫唔到太多了，你地唔畀相呢，我係幫唔到你地作caption的。希望你地快啲整好呈上，睇嚟都仲要有排改。 正職部分，因為唔係太多嘢做，我覺得亦係幾浪費我時間，蠶食心靈。現在的我，變得超級怠惰，面對稿件往往要整理心情幾個小時，走筆幾個小時，先寫到一兩段字，好想死。 針對呢方面，剛巧睇到一篇文章話可以用跳來跳去的方法去刺激腦袋，是一種積極的休息方法。其實平時我都係做少少呢樣，又做少少嗰樣，有陣時係會好唔專心，同埋一開始寫到興起就一定會屎急（大概係興奮得濟），但衣家咁睇，呢種好唔專心既做事法可能係自己從以前已經揀定既方式，只要再喺上面調整少少可能會好好。 要調整啲咩呢？首先係點子同感想既紀錄，寫低諗到咩，睇到咩真係好緊要，但一直都冇好好咁執行，或者寫下呢度寫下嗰度結果都唔會攞返出嚟睇，咁之後試下打晒落去Google Excel度，可能會幫到整理。 38歲了，好像才剛剛學習怎樣把人生弄得好一點。瑣事一大堆。 媽生了蛇，幸好發現得早，現在情況穩定步向康復。但我也決定，她自己的情緒，我不想再負責。我自己已經有太多的情緒要處理，顧不到那麼多。 然後今個月，洗衣機突然壞了，也幸好有爸爸以往的伙計來幫忙看，已弄好。 還有什麼？我昨天得了腸胃炎，痛了四小時終於捱到診所開門打針，最痛苦是頭暈，快要昏過去。 五月還有很...

事鬼爛旦啦，想記低啲嘢，唔想咁拘謹 呢排能量好奇怪，成日想爆想爆，諸事不順，成日想吊狗人，但同時又好似睇穿咗自己以前一啲難以控制既嘢咁，一定係行星活動問題 記低自大先：其實我係咪自大真係唔識分，基本上都會相信自己的第一感覺先，可能對於了唔了解人係會自大啲，因為自覺都幾中意品評人，但對於事、知識就唔算自大 點解會咁樣問係因為我諗緊係咪因為自己自大所以做嘢／行動時會綁手綁腳，放唔低個自尊，OK已經將啲TERMS撈到亂晒 關於自大既一個最惡劣回憶，就係大學時，做副老總，幫同學睇稿，有人寫咗胡適之，我好慶，在會上問點解會多咗個「之」字 XDDDDD  衣家識笑，當時同學們反應係好冷靜咁講，「胡適之」係本名；呢個回憶成日都會浮上嚟，笑返自己，指責返自己，都係個幾暗黑的回憶壓力 所以之後好多時候，有疑團都唔敢講出口，驚自己又柒咗，影響自己辛苦建立既偽學人形象 BUT，咁咪就係越嚟越冇膽，仲學少咗嘢囉，果真笨柒 治療時間：如果衣家既我，走返去以前嗰個moment，我會同嗰陣時既我講，係喎，係笨柒咗喎，係怪錯人喎，但同學們都好好咁講返個答案，即係佢地其實唔會介意你學養唔夠啦，根本冇人笑你，起碼你冇聽到； 即使係有，而自己亦覺得無知，咁亦唔駛咁介意呢類「笨柒moment」，人人都會有，學返個正確答案，咁就冇事啦，咁就昇華啦。日後，期許自己唔駛怕「笨柒moment」，你贏人既心，係從誠意誠懇攞分，唔係學識，知冇？ OK 第二個，我想記低我好開心好開心好滿足既一啲時候 中四五做班長係我人生最滿足既時候（之一），呢個回憶好難忘，因為突然間有咗責任，成個人唔同咗，第一次知道要出力要發力，而為同學服務呢樣嘢都係出自真心，亦做得十分認真，同學們亦睇到我既努力同有所讚賞，真係好開心 另外一啲時候，係WWF時代一個人做排版既時候，雖然基本上冇設計或排版技巧可言，但係對住呢類可以發揮美感類既嘢，會特別投入，一投入，人就自然無雜念，時間都會過得開心啲； 回想係大學時代開始做網頁，整BLOG，都牽涉呢類美感發揮類，都係好開心既。而且仲係有成功感添。 跟住記憶中就係大吉時代，寫完份內部用九龍皇帝展覽by section簡介，真係YEAH到彈起，完筆時，好似中七會考寫中文文化科考卷時有果種十拿九穩既感覺，好勁，覺得自己寫得好好，係概念諗得好好，唔係文...