自然與我快樂起來

告訴你一件事，我再度大破慳囊，買了超美的大mac！過去那台大電腦，用了沒十年也有八年吧，好像是去年年中走到生命盡頭，拖了半年，終於等到今年蘋果發佈會大mac規格升級，就買唄！希望大mac的到來，留家時會更願意寫點東西吧！（好明顯兩者沒什麼直接關聯） Freelance1的事暫告一段落了，就算有手尾要執，應該要到七八月書展過後才再會有消息。 Freelance2就繼續進行，希望在八月前完成一切，因為我下半年要進行其他事了。 原來我的freelance capacity只能同時間做一單project，而且最好不要拖太久，心裡常有牽掛並不好受。 最近行了一次大山，大刀屻。這次穿了不透氣非快乾類的衣服，加上炎熱天氣，體溫難降，舉步為艱。第一次行這座山，上斜和路況都不算難，依平常的我大概能輕鬆完成，所以突然間行得這樣辛苦，不禁懷疑，一件衣服真的有那麼大分別嗎？還是我身體差了？ 幸好同伴是我喜歡的一對，兩公婆行山實力不容置疑，太太細心超有氣質，老公則是植物專家，一路上學了不少。太太曾跟我勸說盡量不要一個人行山，時間合的話不妨找他們，感動的是她不是說說而已，是真的有找我。謝謝他們願意和我一起行山。 這兩天突然間又想到幾件我好應該好好去解決解的事情。 其中一個是經痛的問題，確實得好好去處理一下。趁現在還有正職可以claim少少，就去看看中醫調理吧。瑜伽拉筋上堂維持了一年，很好，讚讚自己。看中醫是燒錢，可是不想老了才進出醫院。 另外是腦生銹。 我的腦在2006年後就沒再運作過。講得是自我思考和理解能力。 怎麼辦呢？ 不可能再大進修了，沒錢了。看書也未能刺激思考，心理安慰反而得到一堆。 我在想，為什麼會腦生銹了？ 除了不夠聰明，另外一個是近幾年比較多往自身鑽，調整身心所用的時間多了，而同時，對理論或社會議題也跟不上了，大概是因為不喜歡那種調侃或講得很絕對的語氣吧！不覺得嗎？尤其自從2014年，人人都成為了評論家，你跟不上我也沒辦法，歪理不講，曲線文艱深文一大堆，都不會直直的講，我要怎麼把它看明白呢？我真的跟不上呢！ 台灣的評論也有一堆這樣的，幸好找到一堆講得比較白的，不會玩辭彙搬理論搞教派的。 就感覺看香港事務新聞很累，很厭惡，所以就直接放棄，沒有中間，幹。得好！ 這幾年也深深感覺到，以前我自以為有一種特別的「氣場」，至今全然褪去。性格、學養...

呢個五月真係唔知點解咁鬼難捱。 其實都冇咩好橙既嘢或好大壓力既嘢發生，只係好多嘢唔按軌道行，係咪都夠呢？ Freelance 2 方面，經過四月的自我懷疑，衣家抱住做完就收錢的心態去做，因為都好難滿足佢地兩個大忙人。五月借咗啲書返嚟抄，希望六月能夠完成。其中又試過接Freelance 2a，幫人改英文報告。改人英文，簡直係找死，自己英文唔好得去邊，結果都係喺網上抄嚟抄去，完咗件事，下次冇一星期時間我都唔會再接，都只係收你幾百大洋，無謂做死自己。最慘係你話我改完幫到你，實際結果上，我都登大家開心，不過自己就好清楚自己英文程度去到邊，一路改一路爆粗一路擔心一路後悔⋯⋯好啦，都完咗了，OK了。 Freelance 1呢，好明顯佢地係呢個moment先睇份稿，先發現有嘢改，先覺得呢度嗰度，嗰刻真係好嬲，覺得你浪費我時間。靜落嚟諗，或者佢地唔睇，除咗因為唔得閒，對出書唔熟，都有機會係因為相信我，所以一直都放低直到臨要呈上編輯勒先睇先改。可惜我真係幫唔到太多了，你地唔畀相呢，我係幫唔到你地作caption的。希望你地快啲整好呈上，睇嚟都仲要有排改。 正職部分，因為唔係太多嘢做，我覺得亦係幾浪費我時間，蠶食心靈。現在的我，變得超級怠惰，面對稿件往往要整理心情幾個小時，走筆幾個小時，先寫到一兩段字，好想死。 針對呢方面，剛巧睇到一篇文章話可以用跳來跳去的方法去刺激腦袋，是一種積極的休息方法。其實平時我都係做少少呢樣，又做少少嗰樣，有陣時係會好唔專心，同埋一開始寫到興起就一定會屎急（大概係興奮得濟），但衣家咁睇，呢種好唔專心既做事法可能係自己從以前已經揀定既方式，只要再喺上面調整少少可能會好好。 要調整啲咩呢？首先係點子同感想既紀錄，寫低諗到咩，睇到咩真係好緊要，但一直都冇好好咁執行，或者寫下呢度寫下嗰度結果都唔會攞返出嚟睇，咁之後試下打晒落去Google Excel度，可能會幫到整理。 38歲了，好像才剛剛學習怎樣把人生弄得好一點。瑣事一大堆。 媽生了蛇，幸好發現得早，現在情況穩定步向康復。但我也決定，她自己的情緒，我不想再負責。我自己已經有太多的情緒要處理，顧不到那麼多。 然後今個月，洗衣機突然壞了，也幸好有爸爸以往的伙計來幫忙看，已弄好。 還有什麼？我昨天得了腸胃炎，痛了四小時終於捱到診所開門打針，最痛苦是頭暈，快要昏過去。 五月還有很...

事鬼爛旦啦，想記低啲嘢，唔想咁拘謹 呢排能量好奇怪，成日想爆想爆，諸事不順，成日想吊狗人，但同時又好似睇穿咗自己以前一啲難以控制既嘢咁，一定係行星活動問題 記低自大先：其實我係咪自大真係唔識分，基本上都會相信自己的第一感覺先，可能對於了唔了解人係會自大啲，因為自覺都幾中意品評人，但對於事、知識就唔算自大 點解會咁樣問係因為我諗緊係咪因為自己自大所以做嘢／行動時會綁手綁腳，放唔低個自尊，OK已經將啲TERMS撈到亂晒 關於自大既一個最惡劣回憶，就係大學時，做副老總，幫同學睇稿，有人寫咗胡適之，我好慶，在會上問點解會多咗個「之」字 XDDDDD  衣家識笑，當時同學們反應係好冷靜咁講，「胡適之」係本名；呢個回憶成日都會浮上嚟，笑返自己，指責返自己，都係個幾暗黑的回憶壓力 所以之後好多時候，有疑團都唔敢講出口，驚自己又柒咗，影響自己辛苦建立既偽學人形象 BUT，咁咪就係越嚟越冇膽，仲學少咗嘢囉，果真笨柒 治療時間：如果衣家既我，走返去以前嗰個moment，我會同嗰陣時既我講，係喎，係笨柒咗喎，係怪錯人喎，但同學們都好好咁講返個答案，即係佢地其實唔會介意你學養唔夠啦，根本冇人笑你，起碼你冇聽到； 即使係有，而自己亦覺得無知，咁亦唔駛咁介意呢類「笨柒moment」，人人都會有，學返個正確答案，咁就冇事啦，咁就昇華啦。日後，期許自己唔駛怕「笨柒moment」，你贏人既心，係從誠意誠懇攞分，唔係學識，知冇？ OK 第二個，我想記低我好開心好開心好滿足既一啲時候 中四五做班長係我人生最滿足既時候（之一），呢個回憶好難忘，因為突然間有咗責任，成個人唔同咗，第一次知道要出力要發力，而為同學服務呢樣嘢都係出自真心，亦做得十分認真，同學們亦睇到我既努力同有所讚賞，真係好開心 另外一啲時候，係WWF時代一個人做排版既時候，雖然基本上冇設計或排版技巧可言，但係對住呢類可以發揮美感類既嘢，會特別投入，一投入，人就自然無雜念，時間都會過得開心啲； 回想係大學時代開始做網頁，整BLOG，都牽涉呢類美感發揮類，都係好開心既。而且仲係有成功感添。 跟住記憶中就係大吉時代，寫完份內部用九龍皇帝展覽by section簡介，真係YEAH到彈起，完筆時，好似中七會考寫中文文化科考卷時有果種十拿九穩既感覺，好勁，覺得自己寫得好好，係概念諗得好好，唔係文...

又係黑暗篇 可能上年真係經歷太多事，今年二月中，一完成環台跑書的初稿，就開始成個人洩晒氣，成日都好累，已經的唔起心肝，但仲係屎忽痕接咗份根本同寫作冇咩關既freelance，有啲捉蟲。對呢份飛冷士有啲唔知點，因為唔係自己在行既嘢，不過既然接咗都要做好佢，加上係以前奇妙設計師朋友介紹既，都唔好咁PEA，但進度真係超級慢，好累，我真係好累。

這兩三天的流水帳 周五朝早突然間覺得很憤怒，卻又不知道在不滿什麼，感覺異常怪異，幸好是（都不知道是不是幸然）沒有急切的文稿要KO，於是整個早上都在上網看文章，試圖用直線性的閱讀來減緩腦袋的急躁。

好失落 沒人可幫忙的失落 真的好失落 突然間 覺得壓力很大 家裡的負擔 應該說 為了父母 我不能夠太花 不能夠選一份我喜歡但人工可能較低的工作 每筆錢都要精打細算 這年的旅行 也想打消了 同時間 自己賺錢能力不強 也沒什麼進取心 也不會投資 所以 真的不能太花錢 也沒辦法去找一間房子 爸媽一間 我一間 沒辦法獨立 是我的命運嗎 突然間 心理會很不平衡 看到朋友們都有不錯的發展 要不 就是家裡都有根基 不用為家庭太擔心 或者，有另一半一起打拼 心裡覺得 大概朋友圈裡面 是我最窮呢 是活該嗎 可以變改嗎 這夜真的很想哭 卻欲哭無淚

寫了一半的2016上半年總結…… ～～～～～～～～～～～～～ 今年上半年是日劇年。 年頭家父病倒，我留家工作兩星期幫忙照顧。家裡沉重氣氛籠罩，爸身子虛弱加上雙腳乏力，我和媽幾乎需全天候24小時隨傳隨到。為了在守夜更時驅走倦意，抖擻精神，遂問好友寶有沒有打氣劇目推介，未料到因此重啟煲劇生涯。