謝Q晒
又係黑暗篇
可能上年真係經歷太多事，今年二月中，一完成環台跑書的初稿，就開始成個人洩晒氣，成日都好累，已經的唔起心肝，但仲係屎忽痕接咗份根本同寫作冇咩關既freelance，有啲捉蟲。對呢份飛冷士有啲唔知點，因為唔係自己在行既嘢，不過既然接咗都要做好佢，加上係以前奇妙設計師朋友介紹既，都唔好咁PEA，但進度真係超級慢，好累，我真係好累。
都有跡可尋既。姐姐上年八月到屋企幫手之後，阿媽有些微微妙變化，變得好針對姐姐，明明佢兩個性格似到十足十，都係好性騰雞兼硬頸。姐姐其實已經年事已高，本來想搵佢嚟係主打照顧爸爸，但爸爸好爭氣，狀態回復得好好，結果姐姐就只有煮三餐、普通清潔手板眼見工夫。
結果我好似依家要睇住三個老人家咁。
姐姐琴晚跌親，好彩冇腦震盪，真係嚇Q死我，大佬呀，我點賠返個阿媽畀人，唔好年年年初都整啲咁既嘢我嘆啦好唔好！
雖然阿哥剛好返嚟，但家事方面，始終依家都係我話事多，所以佢都只係陪伴作用。好彩琴日放假（定唔好彩？），半夜送院姐姐去醫院急症可以返嚟睏覺，一睏睏咗成日去，份飛冷士又要延遲交貨了。
其實我都好錫呢個姐姐，因為佢當初照顧希臨既肉緊程度睇到都會眼濕濕。尤其第二年，希臨返嚟竟然已經唔記得姐姐，唔抱姐姐，內心一酸，喊咗出嚟，覺得BB點解會咁狼心狗肺（哈，同個小朋友計較⋯），跟住央求阿哥之後一定要同BB洗腦，叫佢唔可以忘本，唔可以忘記姐姐。
唉，但依家阿媽唔中意姐姐煮既飯，又嫌佢呢樣嗰樣，點解會變成咁架？明明佢兩個好姐妹，姐姐都好錫阿媽，好尊敬呢位救咗佢出嚟既女俠，但阿媽依家偏偏又唔領情。唉！
暫時都未諗到有咩解決方法，依家未到面左左，但氣氛係有啲怪既，相信姐姐都感覺到。
好撚攰呀吊！
正面啲諗，姐姐都確實FULLFIL咗三餐有著落既最低要求，我家又唔係大富大貴，只能夠畀到個床位佢訓，佢都唔嫌棄，都仲幫我地。其實佢都係之前積福落嚟認識既天使之一。
實有解決方法既，或者呢次跌親事件都係個好契機，加強返我地成家同佢既BONDING，嗯，慢慢再發酵，大家都係好人既話，唔會畀件衰落去既。
但好攰既問題可以點解決呢？
瑜珈班都只係拉筋，以我咁認識自己，似乎都真係要去報啲運動班，先可以KEEP住做下運動，點算呀！冇錢呀！嗱，首先唔好講錢，生活生命係自己既，冇出點有入，投資健康係一定可以返本既。咁你自己去睇下有冇班上啦吓！
或者可能係因為今年初冇定resolution呀，所以成個人冇晒目標！謝晒！謝Q晒！
可能上年真係經歷太多事，今年二月中，一完成環台跑書的初稿，就開始成個人洩晒氣，成日都好累，已經的唔起心肝，但仲係屎忽痕接咗份根本同寫作冇咩關既freelance，有啲捉蟲。對呢份飛冷士有啲唔知點，因為唔係自己在行既嘢，不過既然接咗都要做好佢，加上係以前奇妙設計師朋友介紹既，都唔好咁PEA，但進度真係超級慢，好累，我真係好累。
都有跡可尋既。姐姐上年八月到屋企幫手之後，阿媽有些微微妙變化，變得好針對姐姐，明明佢兩個性格似到十足十，都係好性騰雞兼硬頸。姐姐其實已經年事已高，本來想搵佢嚟係主打照顧爸爸，但爸爸好爭氣，狀態回復得好好，結果姐姐就只有煮三餐、普通清潔手板眼見工夫。
結果我好似依家要睇住三個老人家咁。
姐姐琴晚跌親，好彩冇腦震盪，真係嚇Q死我，大佬呀，我點賠返個阿媽畀人，唔好年年年初都整啲咁既嘢我嘆啦好唔好！
雖然阿哥剛好返嚟，但家事方面，始終依家都係我話事多，所以佢都只係陪伴作用。好彩琴日放假（定唔好彩？），半夜送院姐姐去醫院急症可以返嚟睏覺，一睏睏咗成日去，份飛冷士又要延遲交貨了。
其實我都好錫呢個姐姐，因為佢當初照顧希臨既肉緊程度睇到都會眼濕濕。尤其第二年，希臨返嚟竟然已經唔記得姐姐，唔抱姐姐，內心一酸，喊咗出嚟，覺得BB點解會咁狼心狗肺（哈，同個小朋友計較⋯），跟住央求阿哥之後一定要同BB洗腦，叫佢唔可以忘本，唔可以忘記姐姐。
唉，但依家阿媽唔中意姐姐煮既飯，又嫌佢呢樣嗰樣，點解會變成咁架？明明佢兩個好姐妹，姐姐都好錫阿媽，好尊敬呢位救咗佢出嚟既女俠，但阿媽依家偏偏又唔領情。唉！
暫時都未諗到有咩解決方法，依家未到面左左，但氣氛係有啲怪既，相信姐姐都感覺到。
好撚攰呀吊！
正面啲諗，姐姐都確實FULLFIL咗三餐有著落既最低要求，我家又唔係大富大貴，只能夠畀到個床位佢訓，佢都唔嫌棄，都仲幫我地。其實佢都係之前積福落嚟認識既天使之一。
實有解決方法既，或者呢次跌親事件都係個好契機，加強返我地成家同佢既BONDING，嗯，慢慢再發酵，大家都係好人既話，唔會畀件衰落去既。
但好攰既問題可以點解決呢？
瑜珈班都只係拉筋，以我咁認識自己，似乎都真係要去報啲運動班，先可以KEEP住做下運動，點算呀！冇錢呀！嗱，首先唔好講錢，生活生命係自己既，冇出點有入，投資健康係一定可以返本既。咁你自己去睇下有冇班上啦吓！
或者可能係因為今年初冇定resolution呀，所以成個人冇晒目標！謝晒！謝Q晒！
Comments