自然與我快樂起來

2014年快過了一半才繼續做未完成的回顧，順理成章等於展望啦！

熱帶魚 給愛作夢的人 不愛讀書只愛發白日夢的國中生劉志強在聯考前意外捲入一宗綁架案，與國小生一同被虜走。不料綁匪首領突然身亡，國小生被揭只是富豪的私生子，錢途終斷，綁匪小弟手足無措，只好把他們帶回東石鄉家裡匿藏。聯考定半生，眼見考試日子迫近，不但失去聯絡的家人心急如焚，全城亦緊貼警方的搜尋行動。天真善良的綁匪家人到底要贖金還是該放他們一條生路？別人為他進退兩難，奔走操心，劉志強卻全心投入這趟白日夢旅程，甚至找到夢下去的理由。 Embark on a dreamy adventure The story begins with a failing kidnap attempt. An ordinary student Liu and a little kid were kidnapped and forced to live in kidnapper's home in the rural area far away from Taipei. Liu was supposed to join the national examination and the kindhearted kidnapper and his family tried hard to gather books and notes for Liu to study. Despite their effort, Liu found himself immersed into this unexpected journey. They all enjoyed a good time until the day when two police officers arrived... (救命呀! 啲字同句式好老土呀!)

由於工作太閒好怕寫作生疏，就自己練吓 如果有人能夠指出錯處或寫得唔好，就好勒～～～（想得美） 嘩，啲英文真係…… 功課一：寫中英文電影簡介，由最喜歡嗰幾套開始 規則：寫前唔睇得任何reference，唔可以用任何字典，只憑自己識的字。 LITTLE MISS SUNSHINE 失敗路上我和你 美國典型的公路電影。內容講述Hoover一家人，外表和洽內藏緊張疏離，從一次穿州過省的哭笑旅途，得以再次互相了解。路上困難重重，但為支持幼女小太陽的選美願望，各有缺憾的一家人終究不離不棄，決定抗拒世俗束縛，用傻氣作戰到底。用失敗者之姿大聲宣告，無懼挫敗放手一搏，才是美妙不悔的成功人生。 Live Through A Slushy Life A traditional highway movie telling a family story. The sophisticated Hoover's family traveled a long way to let little Olive to enter a beauty contest. Filled with laughs and tears, the never-been-challenging yet heart-healing journey gave each of them a hard lesson on life and dream. Standing against the fate till the end, the Hoover's family started to know the true key to a successful life.

寫完個台灣遊blog，係好開心既 擺明係畀自己老咗睇啦，寫得麻麻地，啲句子同啲字，都幾彆扭 寫既時候好容易一半國語一半廣東話咁諗，書面亂夾口語，遲啲再修一修 不過登咗喺FB，知道有朋友捧場睇咗（係多係少都好），真係好開心 雖然都唔係啲咩特別的經歷，又冇咩特別道理想講，流於個人心情紀錄，但都幾有成功感的 今年設定的目標又完成一項（已完成的繼有讀咗一半的山藝、家族旅行、剝大牙、台灣遊記），真開心！

又是時候暗地裡收窄朋友範圍（已經冇幾個啦喎！！～～），不想再看見任何會破壞心情的東西～～ 再見了，我的朋友！～～～ YEA～ ．．． 焦慮又突襲？ 好呀！死過囉同你！ ．．． YEA～～～

今個星期一好刺激，要記底。 朝早受託買蘇打綠演唱會飛，攞咗部macbook air返公司，雙機！打埋電話！搞咗成個幾鐘，本來已諗住放棄，一直都冇運仔，同事又開始返嚟，費事咁揚，收埋部mac，轉為偷偷reload，點知最後竟然入到，雖然買唔到最貴飛，但都買咗中間的，好難得咁lucky，入信用卡冧巴時震都手曬，任務完成後忍唔住獎自己飲杯紅茶！YEA！ 之後係打電話訂鞋。買嘢對我嚟講都有負擔架，除咗用錢，呢次仲有個原因係因為呢次對鞋係搵人訂造的。話說之前見本地有手作人推介自己爸爸的手造鞋，平時一對clarks都成千幾蚊，咁我不如支持本地創作仲好。間嘢叫Pa Pa Shoes，爸爸喎，中曬我下懷啦，Hea咗好耐終於搵日去拜訪，係葵涌工廠，上去前要打個電話費事摸門釘。師傅姓謝，年紀唔算好大，佢超好人，教曬我點坐車點行去。去到，講咗兩句，就幫我度腳，見佢屈身，我超唔好意思，我叫自己唔好咁迂腐諗太多，因為你面前既係一位master/craftman，要信任佢既專業同真誠。之後佢叫我揀色，有得選擇，呢次弊勒。心入面係想造對淺色啲既，諗住易襯，又文青啲，但師傅個邊冇喎。佢因著皮的硬度和鞋款，建議咗兩組顏色配搭，仲剪咗少少辦畀我返去慢慢諗。去既時候係二月中，快過年，師傅話佢訂單太多，造都造唔切，我話我一啲都唔急叫佢唔駛擔心，佢聽完不知幾開心，於是我就攞咗啲辦返去慢慢諗勒。點知一諗就諗咗成個幾月，當中都有因為成千蚊一對鞋又開始有少少想縮沙，諗住豪咗個一舊水訂金，又覺得始終唔係心水顏色，無謂勉強，總之諗到好煩啦！呢種翻來覆去太折磨，浪費時日，於是我就決定，繼續做落去，既然都畀咗訂，本身又想支持師傅同本地手藝，咁係值得的，而且，用戶體驗方面，你唔試過都唔知好唔好著，而你又確實需要一對鞋，咁點解唔做。好啦，我知我好煩。所以隔咗成個幾月，係周一下午就打電話去問，初初仲驚師傅已經唔記得我，或者點點點，諗得人好衰咁，但一接電話，佢竟然有mark底係手提，仲叫到我張小姐，真係抵曬啦！終於，揀咗色，亦叫佢話唔急，整好再話我知，就係咁，了結咗我搞咗成個幾月的一件小心事。 之後呢，我本來想報讀英協的course既，諗住周一去報名個能力測試，點知望真啲先發現之前睇中既course係初級班，應該唔太適合。好惆悵啊！仲未搵到適合的course報呀！我咁desperate，係因為份工真係好閒，幾穩定，想襯...

從小    便   （特意隔開的）有重複看錄影或聽錄音的習慣，近日是瘋狂重播著浩角翔起上各大小訪談節目，連自己都覺得好煩啊！ 哈～～～