立立雜雜記下

要返工了。
雖然唔係十分鐘意, 但存咗錢先。(保持官腔)
第一次返新工完全無感覺/想像, 都唔好話。

拉拉扯扯既心情雖然有時會痛苦, 磨蝕心志, 但留低好多痕跡, 成為日後繼續依戀自己的憑證。


．．．

之前同梁氏兩姐弟去咗大嶼山二澳體驗種稻。
好耐冇落田了, 稻田的感覺與菜田不同, 梗係啦, 唔駛開田, 輕鬆十萬倍。
時間用咗好多嚮脫離「泥足深陷」的窘境, 插秧插咗兩轉半, 冇幾耐活動已經到尾聲。
比較可惜係冇咩時間再去講解稻米、種稻等等資訊, 我地問佢地答亦答唔曬, 一次性既體驗活動, 基於性質局限, 都只能係咁。

其實一直都想再去Permaculture喺Good Lab既講座, 但都鼓唔起獨自去的勇氣。
我真係唔知自己鍾意咩。


．．．

我淨係知道嗰刻感覺。
我發現, 獨處的時候, 多數唔會同自己傾計, 通常係同幻想出嚟既人或事去交流。
唔知大家會唔會都係咁呢?

即係嗰啲follow your heart既講法, 若果平時都唔同個心傾計, 咁都唔知點follow架~

友人話佢之前present好緊張, 可能主因係好想令老師對佢impressed。
突然間又覺得, 唔怪得之我成日咁緊張啦, 因為我好想大家都對我impressed!
好在乎自己畀人哋既感受同評價。

另外一點係, 之前識咗表妹, 近期又識咗細佬, 兩位都令我有強烈一見如故的感覺。
不禁問點解自己好似通常與"呢類人" (簡單啲講係唔太常見, 有強烈自我風格的人但又唔克人憎)合得來 [我自以為啦, 我冇問過佢地喎] , 我何得何能。
OK, 我覺得主因係因為佢地兩位本身都好親切, 好平易近人, 有思想有智慧講嘢又清晰性格又可愛, 照計若果我將兩位介紹畀其他朋友, 大家都會好麻吉。同時間會覺得, 自己同其他普遍嚟講正常的人就冇咁易產生共鳴, 好似係咁。
友人說我有著一份幸運, 不斷讓我認識有趣的朋友, 她數了好多個例子。
之後, 我再想, 如果講幸運, 咁就幸運, 但我再諗, 可能只係因為我好懂得形容人, 用蠻多腦容量去記底我哋相處之間既過程, 講過咩, 睇過咩, 做過咩, 講返出嚟畀其他人知, 或者就令到人有錯覺覺得我識咗啲有趣既人, 其實佢地並不一定好有趣。
哈~~~ 唔係啦, 冇錯, 我在雙重曬命。

得意既地方係, 表妹係head介紹我既, 細佬係J介紹既, 似乎朋友們都十分十分十分清楚我(們)適合和哪類人做朋友。

咁我今日都可以好肯定咁講, 我都係唔太正常既。(呢次唔係想型, 亦唔係自我界定, 而係要一種'終於肯講出口勒'的快活)

．．．．

以下容許我表現少少（你）唔需要（你）睇得明的感受


瀰漫著得不到、思念、抗拒、穩守突擊、浪漫的氣氛 告訴你, 你在不在我夢裡都不要緊 你來不來到都不要緊 其實是要緊 或者人就是嚮往那種大家共同有一種感覺的快樂 share the same feeling, not necessarily is happiness 唉 你是我逃脫的理由 wow 誰人在迷戀不同, 誰人在尋找相同