今日參加咗嶺南文化研究碩士課程一年一度搞的研討會，去做義務主持，做完再好破例咁跟住去食飯，簡直係創舉。
搞完成日，聽咁多嘢，做咁「多」嘢，又要面對咁多人，個腦同精神當然係亢奮到爆，當中有好同唔舒服既感受，趁家陣熱辣辣，寫吓少少。
關於主持：
唔係第一次了，兩年次幫過一次手，但自覺畢業已久，本身又對啲理論又唔熟（究竟當年係點攞D畢業既呢？），加上怕怕醜醜，做完好想爆炸。嗰次做完講過以後打死都唔再做，點知近月文研系搵我幫過幾次嘢，所以又答應咗。
我今次畀自己既目標係，只需要完成講流程，少少INTRO，同埋有諗法就講就OK；扣唔扣連到啲文章／討論、有冇POINT都唔緊要，同埋要保持心境平靜啲，咁先可以留意到台上台下既反應。
今次既要求比較低，自己做到70-80分。
（扣分位係口齒都係有少少不清，同埋有一PART講錯咗流程！！）
BUT！
當到第二節，由女同學社小曹（好勁的師兄）做主持，比較心就出晒嚟。雖然係冇得比，因為佢真係理論同實踐人，又一向presentable，但個心都忍唔住立即向下沉。
不過，呢排確實係「咩」咗，會嚐試集中去觀察返，小曹到底係點連結唔同文章／講者，又點樣一句廢話都冇、溫柔有力地講自己既觀點，呢啲嘢，我仲可以學。
當然咁受挫，係因為心目中會有一個「最型／最稱職」研討會主持模範，係需要有一定既技巧同內涵想法，先會做得到。
我冇咩內容，所以退而求其次，畀晒啲時間講者／台下講，呢個，係我做到既。
（另，小曹師兄仲係好有魅力，哈～～覺得佢好似青峰呢）
關於沮喪：
呢PART由主持功力既對比之中延伸，唔係，應該話由睇文開始已經存在。
因為我睇完四篇文，想嚐試解釋返佢哋之間有冇咩關係，同個研討會題目有咩關係，點解揀呢四篇等等，我想做，但我真係做唔到，只能夠有好淺好淺、一個未讀過文化研究既人都可以講得出既連結，所以一直都有FRUS。DEVELOP唔到落去係唔係幾好既感受！
而在研討會過程中，或者因為我理論根基或評論底子唔夠，又或者個腦太耐冇咁樣追追追轉轉轉，到現場時係處於完全捱打／好用力咁追大家講乜既狀態。自己主持嗰節都算好，去到最後既一節，甚至去到飯局，大家仲喺度講點樣抗衡中港融合／論述，我仍然一舊雲，甚至乎，喺第二節既時候我勁想訓覺，透唔到氣咁。
同以前既分別係，以往情緒會反應好大，因為掛住可憐自己聽唔明，追唔切，但今次好啲，因為我參加同出席飯局，無非係想聽各位老師、志士同叻人既見解，幫自己去貼近返一啲以前關注既議題。如果以咁既前題嚟講，係做到的，只不過係咪真係明白，又或者自己有咩回應／想法，就未諗到囉。
關於溫暖：
首先係文研碩士課程大內總管文珊珊，佢好好，處事待人周到到爆。聽到佢話本來唔去飯局可以早啲收工，但因為見我去，諗住幫手照顧吓我（我同其他學生隔好多屆，又同老師唔熟，我只係同珊珊聯絡最多）。
撞到阿堵，佢係第一屆師兄（我係第二屆），大家曾經一齊上過某啲堂。上次全職唔做嘢，佢搵過我幫佢組織手出教材，做編輯，甚至問過我幫唔幫佢地做嘢（帶少數族裔活動）。佢當時既關顧，我銘記在心。今次相見，佢亦有關心我，甚至知道我又冇做嘢，有諗話彈啲FREELANCE我做試吓，雖然因怕英文唔夠好而在席間半婉拒咗，但個心都係好感念。
之後係同屆既莫逸風。佢家陣係商務做巿場推廣（！），佢見活動係佢個場搞，就落嚟睇吓。佢仲記得我做太古，互相寒暄一下，感覺真係好感念的，因為我實在好想大家記得我，哈～～
最後係竟然係開場前喺會場見到以前大吉同事設計師爸爸！
我一直想（又係只得想！）寫個感動電郵畀佢，多謝佢之前我副眼鏡有日突然自我解體時無條件送咗佢唔要既名牌子太陽眼鏡畀我（可以換鏡片），而我之後轉贈爸爸畀佢擋太陽保護佢對青光眼。當然，我一向好尊敬設爸，同埋佢都有好支持我去PRESENT我既想法，好照顧，又會分享見解送錢落我袋，所以見到佢真係好多感動。
呢次，為咗表示我心入面對於咁難得撞到既激動，我好少可咁捉住佢手臂狂搖，出動「身體接觸」一招，希望佢都FEEL到我真係好感念同開心。
關於回想：
係囉，會覺得自己半桶水都冇（當年冇好好咁刨理論，文章都淪為吹水文），又MUDS都兩頭唔到岸（想做NGO又唔係，做BUZ又唔係，想勁批判又唔夠quality，又唔想做完全MUDS都唔理唔知既人｛唔夠型｝），結果係有少少失落。
當你發現好可能係因為唔太清晰自己想點而淪落到咩都做唔到，冇成績，冇動力，就會更加失落。
當然，目前來說，搵咩工，中意咩唔中意咩都算有個概念，但以後十年呢？二十年呢？到底我希望自己變成一個點既人呢，唔講「變」，講成「想」自己做一個咩既人呀，內容係咩呢？除咗話做一個好人呢啲大路嘢之外，有冇啲實質啲或具體啲既內容呢？
相信近呢年，年紀同種種經歷令我有「真係要為未來好好打算同踏實地落實做」既轉變，雖然答案仲係未知，但我對我有呢個轉變係開心既。只希望唔好淪落到好似佢地討論香港前景問題咁只剩餘「驚恐」既情感去主導一切行為決定，又或者被眾多左膠論述或騎劫搞到亂晒籠，越嚟越認唔清敵人／主體； 又或者有位同學講對目前香港社會搵唔到出路感到沮喪，但馬國明老師REASSURE我地家陣就係要爭取時間去討論「香港是什麼」、「我要什麼樣的香港」的內容，仲係充滿希望的，類似咁樣去思索吓自己未來人生。
關於行為上的嘉獎：
冇中途走，坐足全程，只係放咗自己一個尿break，輕鬆地平衡到自己既暫離需求。
成功控制挫敗感／寂寞感擴散。
主動問人一啲嘢或表達感受（包括SEND咗個MSG畀琳，哈～～～有少少依賴朋友既感覺）。
打咗呢篇嘢，即時整理千頭萬緒。
淡淡的：
係覺得自己冇咁大個頭唔好戴咁大頂帽。
想型的代價你付唔付得起／願唔願付？
常覺得有所掙扎，是因為想回去小時候的安逸嗎？
多謝。
搞完成日，聽咁多嘢，做咁「多」嘢，又要面對咁多人，個腦同精神當然係亢奮到爆，當中有好同唔舒服既感受，趁家陣熱辣辣，寫吓少少。
關於主持：
唔係第一次了，兩年次幫過一次手，但自覺畢業已久，本身又對啲理論又唔熟（究竟當年係點攞D畢業既呢？），加上怕怕醜醜，做完好想爆炸。嗰次做完講過以後打死都唔再做，點知近月文研系搵我幫過幾次嘢，所以又答應咗。
我今次畀自己既目標係，只需要完成講流程，少少INTRO，同埋有諗法就講就OK；扣唔扣連到啲文章／討論、有冇POINT都唔緊要，同埋要保持心境平靜啲，咁先可以留意到台上台下既反應。
今次既要求比較低，自己做到70-80分。
（扣分位係口齒都係有少少不清，同埋有一PART講錯咗流程！！）
BUT！
當到第二節，由女同學社小曹（好勁的師兄）做主持，比較心就出晒嚟。雖然係冇得比，因為佢真係理論同實踐人，又一向presentable，但個心都忍唔住立即向下沉。
不過，呢排確實係「咩」咗，會嚐試集中去觀察返，小曹到底係點連結唔同文章／講者，又點樣一句廢話都冇、溫柔有力地講自己既觀點，呢啲嘢，我仲可以學。
當然咁受挫，係因為心目中會有一個「最型／最稱職」研討會主持模範，係需要有一定既技巧同內涵想法，先會做得到。
我冇咩內容，所以退而求其次，畀晒啲時間講者／台下講，呢個，係我做到既。
（另，小曹師兄仲係好有魅力，哈～～覺得佢好似青峰呢）
關於沮喪：
呢PART由主持功力既對比之中延伸，唔係，應該話由睇文開始已經存在。
因為我睇完四篇文，想嚐試解釋返佢哋之間有冇咩關係，同個研討會題目有咩關係，點解揀呢四篇等等，我想做，但我真係做唔到，只能夠有好淺好淺、一個未讀過文化研究既人都可以講得出既連結，所以一直都有FRUS。DEVELOP唔到落去係唔係幾好既感受！
而在研討會過程中，或者因為我理論根基或評論底子唔夠，又或者個腦太耐冇咁樣追追追轉轉轉，到現場時係處於完全捱打／好用力咁追大家講乜既狀態。自己主持嗰節都算好，去到最後既一節，甚至去到飯局，大家仲喺度講點樣抗衡中港融合／論述，我仍然一舊雲，甚至乎，喺第二節既時候我勁想訓覺，透唔到氣咁。
同以前既分別係，以往情緒會反應好大，因為掛住可憐自己聽唔明，追唔切，但今次好啲，因為我參加同出席飯局，無非係想聽各位老師、志士同叻人既見解，幫自己去貼近返一啲以前關注既議題。如果以咁既前題嚟講，係做到的，只不過係咪真係明白，又或者自己有咩回應／想法，就未諗到囉。
關於溫暖：
首先係文研碩士課程大內總管文珊珊，佢好好，處事待人周到到爆。聽到佢話本來唔去飯局可以早啲收工，但因為見我去，諗住幫手照顧吓我（我同其他學生隔好多屆，又同老師唔熟，我只係同珊珊聯絡最多）。
撞到阿堵，佢係第一屆師兄（我係第二屆），大家曾經一齊上過某啲堂。上次全職唔做嘢，佢搵過我幫佢組織手出教材，做編輯，甚至問過我幫唔幫佢地做嘢（帶少數族裔活動）。佢當時既關顧，我銘記在心。今次相見，佢亦有關心我，甚至知道我又冇做嘢，有諗話彈啲FREELANCE我做試吓，雖然因怕英文唔夠好而在席間半婉拒咗，但個心都係好感念。
之後係同屆既莫逸風。佢家陣係商務做巿場推廣（！），佢見活動係佢個場搞，就落嚟睇吓。佢仲記得我做太古，互相寒暄一下，感覺真係好感念的，因為我實在好想大家記得我，哈～～
最後係竟然係開場前喺會場見到以前大吉同事設計師爸爸！
我一直想（又係只得想！）寫個感動電郵畀佢，多謝佢之前我副眼鏡有日突然自我解體時無條件送咗佢唔要既名牌子太陽眼鏡畀我（可以換鏡片），而我之後轉贈爸爸畀佢擋太陽保護佢對青光眼。當然，我一向好尊敬設爸，同埋佢都有好支持我去PRESENT我既想法，好照顧，又會分享見解送錢落我袋，所以見到佢真係好多感動。
呢次，為咗表示我心入面對於咁難得撞到既激動，我好少可咁捉住佢手臂狂搖，出動「身體接觸」一招，希望佢都FEEL到我真係好感念同開心。
關於回想：
係囉，會覺得自己半桶水都冇（當年冇好好咁刨理論，文章都淪為吹水文），又MUDS都兩頭唔到岸（想做NGO又唔係，做BUZ又唔係，想勁批判又唔夠quality，又唔想做完全MUDS都唔理唔知既人｛唔夠型｝），結果係有少少失落。
當你發現好可能係因為唔太清晰自己想點而淪落到咩都做唔到，冇成績，冇動力，就會更加失落。
當然，目前來說，搵咩工，中意咩唔中意咩都算有個概念，但以後十年呢？二十年呢？到底我希望自己變成一個點既人呢，唔講「變」，講成「想」自己做一個咩既人呀，內容係咩呢？除咗話做一個好人呢啲大路嘢之外，有冇啲實質啲或具體啲既內容呢？
相信近呢年，年紀同種種經歷令我有「真係要為未來好好打算同踏實地落實做」既轉變，雖然答案仲係未知，但我對我有呢個轉變係開心既。只希望唔好淪落到好似佢地討論香港前景問題咁只剩餘「驚恐」既情感去主導一切行為決定，又或者被眾多左膠論述或騎劫搞到亂晒籠，越嚟越認唔清敵人／主體； 又或者有位同學講對目前香港社會搵唔到出路感到沮喪，但馬國明老師REASSURE我地家陣就係要爭取時間去討論「香港是什麼」、「我要什麼樣的香港」的內容，仲係充滿希望的，類似咁樣去思索吓自己未來人生。
關於行為上的嘉獎：
冇中途走，坐足全程，只係放咗自己一個尿break，輕鬆地平衡到自己既暫離需求。
成功控制挫敗感／寂寞感擴散。
主動問人一啲嘢或表達感受（包括SEND咗個MSG畀琳，哈～～～有少少依賴朋友既感覺）。
打咗呢篇嘢，即時整理千頭萬緒。
淡淡的：
係覺得自己冇咁大個頭唔好戴咁大頂帽。
想型的代價你付唔付得起／願唔願付？
常覺得有所掙扎，是因為想回去小時候的安逸嗎？
多謝。
Comments