假期記事

七一遊行, 從未試過咁塞爆, 約兩點, 五點先lan到鵝頸橋! 

但最開心係撞到尊敬的陳清橋老師和杜耀明老師! 同埋見到綠領行動有回收站, 十分好

散水後指定項目係花園道室內場沖返個靚涼, 

之後去上等人區金鐘食大快活粟米肉粒飯加羅宋湯加可樂飽到震都係40蚊樓下!

．．．

翌日

繼續係連鎖食肆

晨早去中環冷氣凍過雪櫃既美心食早餐

叫咗腸蛋麵

之後坐船去南丫島

到達都仲係晨咁早, 好似十點唔到

每次都係行過晒天后廟, 搵唔到郊遊徑入口

搵返正路, 但熱屎辣辣只能慢速同縮短行程

又去探吓個大風車

同時補加每次都要提貝沙灣呢個國際大騙局

[數碼港淪為地產項目]

回到平地找不著吃更被老外少一嘢

唯有怒撇回港島找吃的

來到嘉路連山道的小店吃意粉, 爽返少少

沿駱克道逛裝修家飾舖

順道去駱克道室內又沖個涼 

(冇錯, 夏天要善用公共設施)

又盪回銅記

晚飯食30蚊大大碗南記小鍋辣豬腩肉米線!

．．．

又晨早起床

今天要到田間

明明在家吃了早餐, 卻又口痕

到達粉嶺買了雞記早餐D, 貪圖一塊薯餅, 

可是它標出了十匙的油

假日晨間坐火車, 最好坐到往落馬洲的車

空空的, 靜靜的

我的田田田(天天天)!

一人作業之下, 田況顯然不濟

繼上集用鐮刀修雜草錯誤cut咗節瓜蔓之外

給豆角依附的竹枝又過短

今天誓要加倍努力, 不要怕冇面 

要打爛沙盤問到篤!

拋低時間

打理慢慢

今天再多落幾株蕃薯苗

把斷蔓而瓜柴的節瓜藤收掉

加插橫向竹枝引導豆角到隔壁老王的四角架上

修掉大量雜草用作護根

兩三個小時, 就過去了

之後更驚人的事發生了

竟然還有力去粉嶺游泳池游水!

氣力不繼之下, 只支撐了三十至四十分鐘便收隊

(其實平時還不是只夠力游四十五分鐘)

累到沒力氣思考

於是去吃就近的吉野家下午茶

吃什麼? 還用說!? (blog題都寫明了!)

好容易回到家, 開始執房 (又執?)

．．．

搞唔掂

因為過去一年多都沒放假

思考聽力心神集中力什麼都快到底了 (不是一直見底嗎?)

決定星期一二都請假休息

假期該做什麼

是去深圳看牙!

上午在房裡執這搞那

下午就跟媽媽去好久沒去的深圳

出發前又去哪裡呢?

是到樓上的大快活食午飯!

又是粟米肉粒飯!

我們這家分店的廚師功夫好

白汁更好味, 配菜烚煮翠玉瓜又夠爽!

讚!

去深圳

又是一個半小時的車程

睡到天昏地暗

要過關

緊張

要看牙

擔心

補了好幾隻牙啊我的媽呀!

酸痛到不行!

快要起飛腳了!

之後陪勞苦功高的媽媽到東門物色廚房用品(!)

在陌生路上完全不能放鬆

就是緊張

終於回香港了

車上

又是睡倒了天

．．．

房中三年沒拿上手用過穿過的物品何其多

這次掉的很兇啊

讓物件流落到更能發揮作用的地方或人手中就最好

平時更要省買

只因越來越覺得

物件越少越好

家徒四壁

心裡滿足