今日好開心

雖然遲咗少少起身, 但最後都功德圓滿, 洗咗床單、枕頭袋等, 乖到自己都想嫁畀自己

或者你未必知, 我爸爸媽媽成家人家陣過咗澳洲睇我哥和嫂的bb(名叫希臨, 十分有意思, 又好聽), 所以我要獨居一個幾月

爸爸之前好擔心, 驚我健康搞唔掂

雖然我好掛住你,爸爸, 但你放, 我細細已經識煮飯洗衫, 只係大個咗, 媽咪嫌我手腳慢, 又拿西, 唔畀我做, 生疏咗, 但我仍然好有自理能力的, 又雖然自己好大頭蝦

之後搞掂晒一切的起心肝去做運動

本來諗住跑步, 但覺得呢排手腳肩膀好痠, 於是諗起去游水

但游水又要去柴灣, 都需要幾大決心

為咗大家好, 都係去!

游咗半小時啦, 唔太多, 好耐冇游水啦今年

心情極靚之下, 行返去柴灣地鐵, 先四點半, 梗係去食吉野家啦!

真係抵到爆, 難怪我咁捧場

之後重興起重踏沿柴灣斜行返西灣河故路, 係條路到唱吓歌仔, 望吓天空, 食飽慢慢行, 咁都已經開心到爆

跟住重犀利, 去買咗包金菇, 諗住用上上星期寶琳黎打邊爐食剩既豬肉片, 黎個汁煮金菇豬肉卷!!

剛剛睇型男大主廚舊集, 詹姆士教煮親子丼, 都係汁煮, 話要米酒、豉油、味醂同糖各1 table spoon屋企冇味醂, 亦冇米酒, 雞恩建議用玫瑰露, 煮出黎又得喎!!!

雖然唔係極好味, (通常自己煮, below average都覺得好味架啦) 但我從來冇試過煮呢類嘢, 好開心!!

食咗半嘜飯, 聽日又可以帶飯埋另外個半嘜, 勁慳又飽! 正!