通識

內容廣泛超想像　包括解釋搶包山

通識科模擬試題嚇窒教師

【蘋果日報 記者：倪清江】高中通識教育科進行諮詢以來，往往被批評是「吹水科」，當局昨再舉行大型諮詢會，並公布數條模擬試題，其中包括長洲復辦搶包山的看法。但當局此舉未能為教師「壓驚」，反把他們嚇窒，有教師看過模擬試題後直指內容比想像中廣泛，憂慮授課有難度。　

育統籌局和考試及評核局昨於浸會大學的大學會堂，舉行兩場高中通識教育科諮詢會，共有約八百名中學教師出席。會上官員簡介通識教育科第二份諮詢稿，並首次按該科六個教學單元，列出六條模擬試題。

拿教學內容不易

不少中學教師都擔心該科公開試考核形式及內容，當局昨派給教師的模擬試題，其中一條以復辦長洲搶包山活動作擬題內容，要考生解釋市民支持復辦原由，再推展至說明全球化對本土文化影響。該六條問題全屬開放式，考生要提出個人觀點，沒有既定答案，以考核其分析力，卻被教育界批評「吹水」成份嚴重。一名參與諮詢會的教師批評試題設計欠佳，如該條提及本港旅遊業的長題目，兩條問題都非直接問及旅遊業；而另一條問及外表對青少年的影響，卻拉扯到傳媒。他批評：「內容太廣，要教好多，好難掌握點樣教。」考評局委員會通識教育科主席黎樹濠表示當局會聽取教師意見。教育評議會副主席何漢權認為，從模擬試題看，該科考試「乜都可以問得」，又不邊際，教師要準確拿教學內容極不容易；他擔心評卷員改卷也不容易，「二十人改卷，都會有唔同答案。」

看畢報道，有點想轉行做教師，去教通識課。
有乜理由教師會唔識教通識科？究竟佢地明唔明白通識係乜野？
唔係要教model answer，唔係要教方向思維，亦唔係要操學生既常識時事；
通識科應該係一個畀學生發揮思考、分析、理解、人文關懷、辯證等既科目。搵日常生活，社會上光怪陸離既人與事做題材，其實都係去分析一下有乜解救會跑出呢類人與事出黎。
若果教師都認為難教，咁學生可以點樣？
又，乜真係有得教既咩？
二十人改卷當然會有唔同答案啦，二十人考都會有唔同答案啦，呢個咪係開放題目囉！最重要係有冇point，學生思路會唔會前言不對後語，學生係咪能夠從不同角度插入分析題目先係架嘛！
若果搶包山都有model answer，咁就死啦。
另外，我又覺得呢一科根本唔應該考試，因為呢一科唔係乜野專業知識，都係睇平時點諗野。
而若果有位同學用好有創意既方法去表達佢對搶包山既想法，都應該嘉許；假若所有野都係咁直接，咁有條理，咁學術，就會好悶，扼殺創意，反而，將一個平平無奇既想法用文字、繪畫、其他format好搞鬼咁表達出黎，又會係另一個傑作；當然，有point既想法仍然係最重要。

教師們，你地明唔明你地自己爭D乜呀？唔好再畀D考試制度纏住，綁手綁腳啦！