自然與我快樂起來

上星期初project出事, 向上級報告後中槍, 打到魂飛魄散, 最不開心累同事中流彈! 周五帶普通話藝術品自遊行新團, 稿不熟, 未內化, 準備不夠, 口吃得太自然! 今星期一, 收到普通話團極好回應, 加head讚賞, 兩個讚! 昨天向細老細綵排今天的活動後報告, 少少中槍, 但像穿好避彈衣般, 抵擋了因中彈而牽起壞情緒的侵襲 今天上午正式報告, 被評說遺漏了重要信息而又其實我有講有人收唔到, 但只要順利完成一切, 心裡平靜 下午繼續九龍會, 改到翻天覆地, 腦汁盡耗, 卻又因在小組討論過程再次突出了(一般)見識而自我感覺良好 what a day! 要再醒定一點, 那些濕碎的東西你還不去清理, 隨時變炸彈! 你見到都唔捨得食佢既豬....相 - 冒險攝於SOGO地庫超市鮮肉部

冇錯! 我就係去咗種田! 位於粉嶺, 近丹竹坑的老農田 80方呎的土地 - 雜草一片 那是一片成年冇種嘢既田, 農夫導師話, 土質會比較好, 冇咁多問題 開田首要係進行除草, 第一次用鋤頭, 雞手鴨腳 唔少毛蟲會匿藏喺雜草入邊, 咁你可以一嘢將佢同d草鏟起, 或者, 隔住勞工手套, 夾起佢「劈」佢落雜草堆 [幾殘忍!] 雜草好賤生, 導師話, 除草係一世既工夫, 所以只要除起八九成, 同埋盡量拔走d 「草根」, 咁就已經好好 即管睇吓黎緊星期六又生咗幾多 除完草要落基肥, 即基本肥料 由於係有機耕種, 所以只落有機肥 包括: 基肥, 骨粉, 花生麩 另外仲要調一調酸鹼, 所以要落少少石灰 落完某d肥之後, 就可以先翻土 即係犁田 好在有比較好操作既工具同塊田唔大 否則...要休息一天 翻土係想翻出土團 (即自然成一舊舊的泥), 咁先可幫助種植 翻就土就要整型, 整返一個田咁樣, 有返大約8吋高度既田 跟住就落苗勒 導師幫我揀咗呢個日子唔啱種既西蘭花, 可謂一片苦心, 等我親身體會不時不種, 不時不食既道理 啱時節既有萵苣同菠菜, 兩者我選了菠菜, 因為我唔知咩係萵苣 (!!) 返黎先知, 即係唐生菜! 我頂! 好彩仲種咗少少香草, 開心返! 都係不知名, 認唔到 就咁樣, 開始咗我做休閒農夫既日子! 買咗呢本 書 打底, 真係有用喎! 開心!

開工一星期, 戰鬥力激昂! 一星期後, 天氣凍影響意志力, 工作熱誠大減 上班後皮膚痕痕復發, 開始每天吃一粒維b雜, 希望幫到手 680元電頭, 感覺十分良好! 芸姐生日快樂! momo~! 租田容易, 耕田難, anyway, 已經租咗!

昨天與琳寶川龍嘆午茶, 龍門郊遊徑末端誤走陡峭落山小路, 害得心慌腳又震, 一仆一碌, 終能安全抵達城門。與元旦天無關, 可一直對海豚或美洲豹一點也不感興趣! 今天與芸姐再戰大埔來回大尾督, 體力盡耗, 預計雙腿將痠痛兩天以示抗議! 還我安逸日子! 有排你嘆!

放假碰著尷尬的日子, 數個月沒去針炙, 似乎舊病復發, 先來鬱卒悶悶不樂 (不是平常日子也這副德性嗎?), 再來是疼痛難擋。但假期將至, 豈能容痛楚毀掉? 繼上月理直氣壯因公事食了本來已斷絕大半年的止痛藥後, 這次也啪了總共一粒半。可能身體捱壞了 (請問你捱了什麼苦呢又?), 雖然服了禁藥, 但寒冷天氣底下, 假期內身心慵懶無力, 持續在床上昏迷不醒, 就這樣睡了兩天假期去。 放肆亂吃亂喝換來喉嚨炙熱, 頭皮緊繃微燙, 今天早上起床便馬上一粒樂信感冒, 後補枇杷膏一匙。又不情不願地睡倒在床。下午時份見有好轉便起床, 跟琳傾了一下子電話後, 收拾心情, 決定要出外曬曬太陽, 洗好澡, 便下樓到後山跑(慢)步去。 淺病中的體質讓那段上斜的路猶如延伸了一倍, 走上後山顯得格外漫長。一向十分懂得量力而為, 給自己快步跑三圈的目標, 甩開多日來的枷鎖, 摘掉身上的菇菌, 滿足極了。 給自己一個明確而可達到的目標確實重要, 接下來的日子, 張大玉又會有什麼目標呢? [回音: 根本沒什麼~~~~] 傻人出沒注意 (都仲係呢套衫) 攝於年前 青衣回歸徑秘密天堂

ok, 潛咗好耐 報告: 第一件, 事隔N年, 再戰同一條路, 終於於日前(1219好日)行畢整條元荃古道, 和琳寶一起完成創舉, 兩腿痠痛兩日以表示振奮! 今次沒再受深井燒鵝瀨引誘, 為此要叫聲「勁」! 小妹龜步跑有功, 是次行樓梯、上斜毫不費力, 呼吸不喘, 心跳不促, 氣極之好! 越來越好行新界西荃灣/大帽山的山間, 陰鬱樹林寒氣迫人, 卻又格外寧謐深邃, 適合我這等向內自省的偽高人(膽更不大)。 第二件, 看了哈利波特七a, 好過份, 甫開頭的感人音樂, Hermione向父母狠心施以遺忘咒, 出發殺敵不能回頭, 好傷感, 催人淚, 畢竟他們只是死o靚仔! 不過, 記憶中的小說第七集收結倉猝, 情節越寫越勉強, 好在電影的出色特技加上感情因素, 還是覺得好看! 第三件, 我的應變能力得到自我認證, 有B++評級。話說天台趴地遇著寒冬刮風天, 節目尚未開始上天設下好幾個難關, 例如突然吹起強烈怪風, 吹倒catering枱上的玻璃酒杯, 灑落一地, 落地又彈起, 至少五十個酒杯全數跌個粉醉, 我及時逆風而向, 背向了那持續有數十秒的玻璃亂舞, 並施用全身吃奶之力向一旁的秘書姐姐吼叫, 提醒她得一起背向狂風, 否則臉蛋堪虞! 那千鈞一髮的時刻, 慶幸自己算臨危不亂, 也慶幸各人絲毫無損, 全身而退, 執身彩! 第四件, ok, 又是年終加每月抑鬱時刻, 就讓我靜靜 孵蛋生菇, 無驚無險渡過這年的最後十天。

幾千年冇打籃球, 一出場就抽筋! yea! 勁!　乜你唔係有跑吓步同游吓水既咩? [證明係實實在在的慢跑同慢游] ．．．． 其實, 大家都好就我 好照顧我 好多謝大家 絕少玩團隊遊戲/活動 係會handicap d ．．． 要學識玩 (無傷大雅的)狼同狠 其實係一種投入, 亦都係你尊重呢個遊戲/隊友/敵方既表現 ok的 做唔到, 唔緊要 你客客氣氣都ok 最緊要堅持落場, 大家都會摻你玩 好嗎 ．．． 你要加油努力 穩重冷靜係你的強項 就用你過人的智慧與能耐 慢慢幫阿姐扭轉局勢 骨!