自然與我快樂起來

放假碰著尷尬的日子, 數個月沒去針炙, 似乎舊病復發, 先來鬱卒悶悶不樂 (不是平常日子也這副德性嗎?), 再來是疼痛難擋。但假期將至, 豈能容痛楚毀掉? 繼上月理直氣壯因公事食了本來已斷絕大半年的止痛藥後, 這次也啪了總共一粒半。可能身體捱壞了 (請問你捱了什麼苦呢又?), 雖然服了禁藥, 但寒冷天氣底下, 假期內身心慵懶無力, 持續在床上昏迷不醒, 就這樣睡了兩天假期去。 放肆亂吃亂喝換來喉嚨炙熱, 頭皮緊繃微燙, 今天早上起床便馬上一粒樂信感冒, 後補枇杷膏一匙。又不情不願地睡倒在床。下午時份見有好轉便起床, 跟琳傾了一下子電話後, 收拾心情, 決定要出外曬曬太陽, 洗好澡, 便下樓到後山跑(慢)步去。 淺病中的體質讓那段上斜的路猶如延伸了一倍, 走上後山顯得格外漫長。一向十分懂得量力而為, 給自己快步跑三圈的目標, 甩開多日來的枷鎖, 摘掉身上的菇菌, 滿足極了。 給自己一個明確而可達到的目標確實重要, 接下來的日子, 張大玉又會有什麼目標呢? [回音: 根本沒什麼~~~~] 傻人出沒注意 (都仲係呢套衫) 攝於年前 青衣回歸徑秘密天堂

ok, 潛咗好耐 報告: 第一件, 事隔N年, 再戰同一條路, 終於於日前(1219好日)行畢整條元荃古道, 和琳寶一起完成創舉, 兩腿痠痛兩日以表示振奮! 今次沒再受深井燒鵝瀨引誘, 為此要叫聲「勁」! 小妹龜步跑有功, 是次行樓梯、上斜毫不費力, 呼吸不喘, 心跳不促, 氣極之好! 越來越好行新界西荃灣/大帽山的山間, 陰鬱樹林寒氣迫人, 卻又格外寧謐深邃, 適合我這等向內自省的偽高人(膽更不大)。 第二件, 看了哈利波特七a, 好過份, 甫開頭的感人音樂, Hermione向父母狠心施以遺忘咒, 出發殺敵不能回頭, 好傷感, 催人淚, 畢竟他們只是死o靚仔! 不過, 記憶中的小說第七集收結倉猝, 情節越寫越勉強, 好在電影的出色特技加上感情因素, 還是覺得好看! 第三件, 我的應變能力得到自我認證, 有B++評級。話說天台趴地遇著寒冬刮風天, 節目尚未開始上天設下好幾個難關, 例如突然吹起強烈怪風, 吹倒catering枱上的玻璃酒杯, 灑落一地, 落地又彈起, 至少五十個酒杯全數跌個粉醉, 我及時逆風而向, 背向了那持續有數十秒的玻璃亂舞, 並施用全身吃奶之力向一旁的秘書姐姐吼叫, 提醒她得一起背向狂風, 否則臉蛋堪虞! 那千鈞一髮的時刻, 慶幸自己算臨危不亂, 也慶幸各人絲毫無損, 全身而退, 執身彩! 第四件, ok, 又是年終加每月抑鬱時刻, 就讓我靜靜 孵蛋生菇, 無驚無險渡過這年的最後十天。

幾千年冇打籃球, 一出場就抽筋! yea! 勁!　乜你唔係有跑吓步同游吓水既咩? [證明係實實在在的慢跑同慢游] ．．．． 其實, 大家都好就我 好照顧我 好多謝大家 絕少玩團隊遊戲/活動 係會handicap d ．．． 要學識玩 (無傷大雅的)狼同狠 其實係一種投入, 亦都係你尊重呢個遊戲/隊友/敵方既表現 ok的 做唔到, 唔緊要 你客客氣氣都ok 最緊要堅持落場, 大家都會摻你玩 好嗎 ．．． 你要加油努力 穩重冷靜係你的強項 就用你過人的智慧與能耐 慢慢幫阿姐扭轉局勢 骨!

今年最喜衫之一 馬莎童裝 Size 14 橫間嘢! 正! ．．． 收了, 收了 收爐了 [心入面係咁諗啦] ．．． 重拾「有時間可花」的感覺 ← 快做多點額外工夫 別誤了時間! ← 互相矛盾← ．．．

唔知幾時開始 由觀塘到牛頭角咁上下地方既燈柱同行人路欄杆都油咗藍色 都幾靚 若果d油唔毒既話 又唔常甩漆, 唔晒錢 用d藍色點綴下灰黑既街道, 都幾好, 好襯 咁顏色應該點考慮? 點解唔學樹油綠色? 但一支支嘢, 扮樹幹會唔會好d呢? 又點解樹幹要係啡色既呢? 葉就係綠色既呢? 呢個配搭有咩意思呢? 城市中應唔應該模仿吓呢d大自然自己搭色彩呢?

今日陪阿媽, 工人姨姨同bb去大埔大元邨, 探bb的大舅公大舅婆 送到樓下我就走勒, 今日咁好天, 唔想見一大班人 自己一條冷去咗FB上友人介紹過的food art cafe 試業當中既茶餐廳 安排食物有待改善 好彩係人少少, 環境又唔會好嘈 食完, 自閉既我慢慢咁沿住河咁行 行到海濱公園 雖然多單車, 但天氣環境好靚, 又有陽光, 成身暖晒 諗起琴日聽關係氣候變化既研討會 世界各人都要關心既事, 香港又係慢幾步, 低下階層市民受既無形剝削, 呢一個大問題 同我工作上既小問題 係咪我工作上個d就唔駛咁憂心呢? 有人會話: 唔係, 係用個開心d既方法去改善 世界呢? 讀完文化研究(或者咩學系都好)都好似只會更清晰知道 世界, 只環繞著某些特權階層而轉 其實都冇得比較 我成日攞唔到個平衡係 我關心呢d嘢, 好努力咁嚐試以身作則, 但種種內在外在原因我冇法子全身投入 而我工作上總會有小錯, careless mistakes 呢兩樣嘢, 我習慣放係同一個秤上秤 兩樣看似唔同既嘢, 我總係覺得有關係, 關係到點解我做人成日c縮, 負面 最衰係, 秤完得個吉, 我唔夠聰明去搵個結論 心情總係每下愈況 獨自走路會諗好多嘢 思想會free flow得好緊要 (縱然平時工作上我都太free flow while usually 撈埋d 感想/心情) ．．． a place that never stop building i see fishes swim freely in blue blue sea

你還記得嗎? 那朝早, 我哭到一個不行, 嚇壞鄰座也一起看早場的姨姨 近來總是飄來一陣陣哀愁感 我已不是少年, 但也別強說愁 惜福惜緣, 好事自然來 今天在公司偶然看到這片, 馬上應驗, 飆淚速度驚人 讓我想起自己做了讓父親失望的事, 乞求體諒時, 父親那雙無奈的淚眼