自從台灣花蓮之旅回來, 都沒什麼更新; 工作和生活都開始忙, 大約還能記得起的回憶有: 坐巴士上層, 下車時在樓梯滑倒, 屁屁深刻接觸了三級樓梯及地上, 右腳婆仔鞋和手提飛脫, 在滿載乘客的晨早巴士上, 倒楣神向我請安 探了珊的tina B, 十分可愛, 很開心BB在大家的關愛下成長 還欠麥兜一片便看完先前的電影wish list, yea 石石請食了一次tea buffet, 好像是我第一次請那麼貴的tea buffet呢~~ 申請了有line寬貧, 今後將繼往開來, 肩負家裡各種雜項費用, 任由碩鼠企業在俺戶口自動過戶 重回推拿的懷抱, 腰和腳被勁捽; 我懷疑醫師讀過關雲長奕棋刮骨療傷, 試圖在推拿時問我問題欲使我分心, 可惜小女不才, 痛到失去思考各反應能力... 提出幾個題目, 順利通過, 略有所成 在短短幾日的寬貧空窗期, 心靜如水, 離開電腦, 手、眼和腦都真的好一點 在動物頻道看了兩套讓我笑開懷的Dog borstal與Downsize my pet, 發覺到, 訓練果真可以有效改善惡習, 聽取教誨, 以及指令清晰的重要 拙文閱讀. 香港書展(2004年)被放上網作參考資料, 且不管其傳閱度, 討論也談不上嚴謹, 仍不禁沾沾自喜, 請看: 文化研究@嶺南第十四期 及 Cultazine online vol 07 終於肯破慳囊, 在薄先尼六折買了一條黑色西褲, 同時發現俺taste與40歲婦人無異, 雖然只需$125超勁便宜讓我喜孜孜, 亦不禁悲從中來
Posts
我諗我d負能都冇得再更負, 因為又開始有覺得個個都針對我既感覺出現。 又要馬兒好, 又要馬兒不吃草; 其實我諗我唔係個咁貪心既人, 只係對於同同事之間既關係, 感到束手無策, 其實可能好似細老細講大家都唔覺得我怪或者難相處, 全部可能只係我錯覺, 又或者大家咁樣既態度已經係為咗我而調節咗少少都唔定, 但投入唔到個團隊, 我覺得日日返工都好受罪。 而且大家洗錢pattern唔同, 令每次吹雞出去食飯都令我十分困擾, 我實在唔中意午飯食到咁Q貴, 你地冇所謂, 但我慳慣。 不過, 話說回頭, 每日既午飯時間, 我都係選擇避開大家, 可能個事實係我唔想同你地講嘢。 你地個個都好好, 但我就偏偏投入唔到, 但我又做唔到好瀟灑咁唔理人地dam睇, 偏偏會因為咁樣而(更之)唔開心。 若果撫心自問自己係咪冇試過投入, 答案可能係得六七成, 推動力唔大之下, 我都跟大家食過好多次飯, 上等人玩法坐的士去筲箕灣食魚旦河, 好可惜, 對住大家, 我仍然冇咩嘢好講。 或者我真係比較適合一個人做嘢, 或者個團隊唔好咁大, 因為我interpersonal skills真係好差。 心入面係真係有比較, 而且一如以往, 淨係識得踩自己, 或者用自己最差個樣嘢同人地最叻個樣嘢比, 玩死自己囉呢d咪。 正一煩惱自尋, 庸人自擾。