呢 我好愛呢個blog,好張秋玉,一時沉靜,一時爆d所謂佳作,更多時係婆婆媽媽,好似依家 好有風格囉 我覺得, 個版面麻麻地, 但又好似自己, 麻麻地, 望落去冇配錯色咁囉, 算係咁啦 呢 我又好多野諗緊, 諗下錄低自己彈簡單結他chord同唱歌既聲,放係度, 嚇爆 份大習作好刺激, 有咁耐風流(失業多月既悠閒)啦, 阿媽見我嗌曬救命, 問, 咁你做乜要接個project jack? 我反問, 咁你做乜要生我jack, 生左又要養, 大個左又駁咀, kidney heart kidney lung, 好似家依咁 真係好難唔畀人話我胡思亂想能力高, 其實每個人每刻都諗緊野架啦, 做乜係要話我呢? 諗左又未必做, 諗到又未必做得到, 諗d乜先叫做唔胡思亂想呢? 不過, 朋友們, 我明白你地既好意同關心既 係啦, 係份習作令我d衰野又開始發作, 撩事鬥非, 頂咀同埋渴睡 不過, 總括黎講, 多謝陳教授畀個機會我, 又多謝大老闆畀我一個機會去表現同測試自己對處理功課/大單野/ 時間分配/ 情緒管理有冇進步 冇啦, 咁睇黎, 哈~~~~
Posts
吾土吾情 自從阿媽戀上史上最為令人費解的長篇（大論）電視節目大城小故事之後，自覺錯失極多優質的港台節目。今天始發現，港台現在逢星期四在三色台有一套名為「吾土吾情」的節目，極合胃口，於是又瘋狂地上網找之前多集來看，合心水的程度合channel的地步，令我一次過看了五集！ 好嘢迫不及待要跟大家分享： 吾土吾情 長洲、鹽田、彩虹村…太多等片段令人感動，當中保育人士、原居民、學者、專業人士對保育自己珍惜的土地、傳統、文化、人情，各樣各種，無不傾盡全力。 最令我感慨是某一集片尾旁白，說道： 香港人跟自己開了一個玩笑 在二十世紀中期，物質生活貧乏的時候 香港人可以開放心靈 建立良好的人際（社區）關係 到現在物質相當富裕的時候，卻自我封閉 人與人之間，隔了一層密不透風的屏障 如果香港人再不開放封鎖多年的心靈 無論政府的保育政策如何配合 有心人如何努力 他們所做的一切只會是曇花一現 極其量只會成為假日旅遊的點綴 ．．． 放開心靈，你又準備好了嗎？
公司晨運系列 － 茶水阿姐 茶水部有位典型的阿姐；我一向不受茶水阿姐愛戴（下刪「得罪人多稱呼人少，更多係你係乜水」），一來嘴不甜舌不滑，閒來亦未懂送上或吃剩或新鮮的佳餚小食，二來總會給阿姐帶來額外工作。因此，我對茶水阿姐總帶戰戰兢兢之感，持以避之則吉的態度，盡量嘗試虛心授教。 Ok，可能被以往公司寵壞，細小的茶水部有公用食具杯碟，各式調味料同事大方公諸同好；來到新地方，一天想沖杯杯湯，在茶水部試圖尋找一隻公家杯，結果阿姐送上禮待：「你想點啊？想攞人隻杯？畀人見到你用佢隻杯唔係咁好喎？你究竟想做乜？沖乜話？啦，我畀個盒仔你沖，貴嘢，名牌黎既。」 領教過阿姐的友善程度，今日又被賜教。話說我以為茶水部的毛巾可以用來抹乾洗淨的飯盒，拿起抺布未掂盒面之際，阿姐像預先埋伏地調好時間衝進來，當場逮住，說：「你做乜攞我塊布？我用黎抹客人用既杯喎，我最驚你地用黎抹飯盒抹到一陣味，到時，哈，我地就玩完。你要抹搵其它野抺。家陣你企埋一邊抺，唔好阻住我洗杯。」 於是，我企埋一邊，企了很久，似為了挑戰自己的極限，看看還可和阿姐繼續共處一室多久時間。一直不想像同事般抽四張面紙抹乾那稱得上麻雀雖小、約兩個麥提莎盒裝大的飯盒，貫徹始終，只用了三張，慢條斯理，把兩個飯盒抺乾淨（一個飯和菜，另一個盛湯）。 明天，我會帶條抹布回去，紅白色格仔。有幸再上阿姐人生哲理工作私人醒/丙課堂，用來抹汗。
人地有magic moment， 我有crying moment～ 今期主題： 「估唔到隔咗咁耐，都重會喊」 星期一晚重溫小克既偽科學鑑證2的貓呀貓系列，在看銀婆婆去世那篇，淚水將要奪眶而出之際，立刻收書熄燈訓覺。 第二晚，滿有心理準備，再續。點知，不知是小克的文字和感情令人動容，還是想起失去身邊的寵物和至親，當下心痛仍然，思念止不住，淚也止不住。 ．．． 住在印尼的姨媽過身了。 媽媽和姨媽最要好，姐妹住在兩地，生活、發展縱有不同，心思毗連。聽媽媽說，姨媽生前家裡事端頗多，好像一生人未安穩過。無論如何，願大老闆照顧在天上的她。 ．．． 未來想去看的東東： 吳文正 老店．舖 shanghai street artspace 7-30/9 HKAFF 唱盤上的單行道 etc 7/10 語文政治．香港的未來 有我偶像陳清僑同葉建源 未來想去看但已爆的東東(頂~)： HKAFF 我在伊朗長大 有興趣同行者，請即撥打電話93XX XX55與本人聯絡 ．．． 相隔幾年後，又整 網頁 自己host在奇摩那個，由於服務終斷，多年心血付之一炬